Popular Bible Verses from SAN LUCAS 13

Share

―Chubi tsa toni'i̱ su tyatí̱ ma̱ ca bi', bi' cha' cua'ni yala ma̱ cha' quije tyucui̱i̱ ji'i̱ ma̱ nu tyalaa ca toni'i̱ bi'. Ndi'ya̱ ñacui̱ na' ji'i̱ ma̱: Ntsu'u quiña'a̱ tsa ñati̱ nu cua nchcui' cha' cua tyatí̱ ti ngu' toni'i̱ bi', pana na ndu'ni ti ngu' jua'a̱; ná nchca quije ji'i̱ ngu' tsiya' ti ñi'ya̱ caca nu tyatí̱ ngu' toni'i̱ bi'.

Ndacua nga'a̱ sca nu cuna'a̱ nu ngusñi cui'i̱ cuxi ji'i̱. Xqui'ya cui'i̱ bi' ngua quicha ma' ti'ñu xna yija̱; cua nchcu̱' hichu̱' ma' tsiya' ti, ña'a̱ cuayá' nu nga'aa ngua ji'i̱ ma' xquiñi ji'i̱ ycui' ma'. Lo'o na'a̱ Jesús ji'i̱ ma' cusu' bi', li' nchcui' yu lo'o ma': ―Cua ndyaca tso'o nu'u̱ juani, nga'aa tyacua quicha jua jinu'u̱ chaca quiya' ―nacui̱ yu ji'i̱ ma' cusu' bi'.

Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

Lo'o li' nde loo la caca xi ngu' nu tyu'u tucua su cua tye ti cha'; jua'a̱ nde chu̱' la tyanu xi ngu' nu ndu'u tucua clyo.

Li' tyatu̱ xu'na ni'i̱ bi', cha' tacu̱' yu toni'i̱ bi'. Lo'o tyalaa cu'ma̱, li' xana ma̱ cujui'i̱ ya' ma̱ toni'i̱ bi', chcui' ma̱ lo'o: “Xaala ma̱ toni'i̱, cusu'”. Li' ñacui̱ yu ji'i̱ ma̱: “Ná jlo ti' na' ti ñati̱ laca cu'ma̱”.

si'i na cuxi la ngua'ni ngu' bi'. Lo'o jua'a̱ cu'ma̱ ni, si ná ca tyuju'u ti' ma̱ ji'i̱ lcaa cha' cuxi nu ndyu'ni ma̱, cha' culochu̱' ma̱ cha' bi', la cui' ti cha' nscua cha' cajaa cu'ma̱.

Chaca quiya' chcui' yu lo'o ma̱ li': “Ná jlo ti' na' tsiya' ti, ti ñati̱ laca cu'ma̱. Tyaa clya ma̱ tso'o la; nga'aa nti' na' ña'a̱ na' ji'i̱ ma̱, cha' ñati̱ cuxi laca ma̱.”

Li' xa' ngulu'u Jesús sca cha' ji'i̱ ngu': ―Chaca cha' chcui' na' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ma̱: Laca cha' bi' ñi'ya̱ nti' sca ti si'yu cuxee, nu ndyaa lo'o sca ñati̱ ji'i̱ ndyataa yu ji'i̱ ne' lo'o ji'i̱ yu. Lo'o li', lo'o cua ndyaluu la, sca yaca tonu tsa laca bi'. Li' nguxana ndyalaa quiñi cha' cuiñá ni' xlyati̱ laja sta̱' yaca bi', cha' tso'o tsa tonu yaca bi'.