Popular Bible Verses from LOS HECHOS 17

Share

Na cua nda Ni ji'i̱ ñati̱ lijya̱ ngu' chalyuu cha' clyana ngu' ji'i̱ ycui' Ni, cha' quije Ni ji'i̱ ngu'. Pana ná tyijyu' ndi'i̱ ycui' Ndyosi ji'na, cacua ti su ndi'i̱ lcaa na ndi'i̱ ycui' Ni.

’Cua ngüiñá ycui' Ndyosi ji'i̱ lcaa ñati̱ chalyuu lo'o sca ti lo cuaña' ñati̱. Lo'o jua'a̱ ngusta ycui' Ndyosi ni tyempo cala scaa ngu', ndu'ni Ni mala su caca quichi̱ tyi scaa ngu'.

’Cua ngüiñá ycui' Ndyosi tyucui ña'a̱ chalyuu lo'o lcaa na nu ntsu'u chalyuu; laca ycui' Ndyosi nu Xu'na nu laca loo, masi nde cua̱, masi nde lo yuu chalyuu ―nacui̱ Pablo ji'i̱ ngu'―. Pana ná ndi'i̱ Ni ne' sca laa nu ndiñá ñati̱ ti.

Cua ngusta Ni sca tsa̱ cha' cua'ni cuayá' Ni ji'i̱ lcaa ñati̱ chalyuu, lo'o jua'a̱ cua ngusubi Ni sca ñati̱ nu caca bese. Jesucristo laca bi'. Tso'o tsa ngua'ni Ni cha' tyanu tachaa cha' bi' ji'i̱ ñati̱ chalyuu, nu lo'o ngua'ni Ni cha' ndyu'ú nu ñati̱ bi' chaca quiya' lo'o cua ndyujuii ngu' ji'i̱.

Si chañi cha' ycui' Ndyosi laca tya'a na ―nacui̱ Pablo ji'i̱ ngu'―, ná taca chcui' na cha' laca Ni sca lcui̱, masi lcui̱ oro, masi lcui̱ plata, masi lcui̱ quee ndu̱. Na ndiñá ti ñati̱ chalyuu lcui̱ bi' ñi'ya̱ nu nda'ya cha' hique ti ngu' cha' cuiñá ngu' ji'i̱.