Popular Bible Verses from San Marcos 14

Share

Ca dxuchálajle̱ne̱' Dios na', gunné̱': ―Xrae, xúgute̱ wazéquenu' Lue'. Bselá neda' chee̱ quebe saca zi'a lu da caní. Quebe gaca ca dxaca lázreza' neda', san ca dxaca lazru' Lue' gaca na.

Le sua ban lazre', ne le guchálajle̱ Dios chee̱ quebe gun zréaje da xriwe̱' le'e. Da li, lu xichaj lázrdaule dxaca lázrele gunle da xrlátaje, san lu be̱la' dxen chee̱le dxate ni'a na'le.

Da li dxapa' le'e, gátete̱ze na' gaca lban chee̱ dizra' chawe' chia' lu xúgute̱ xe̱zre zaj nnita xe̱zr la xu nigá, cá'anqueze zrálajqueze ca naca da be̱n nu'ula nigá, chee̱ xulusá lazre̱' chee̱'.

Na' dxe̱'e̱ benne' ca', dxenné̱': ―Ba dxunte̱ na watia' lawe' da zua xáche'le̱'a. Le xegá'ana le'e nigá, ne le sua ban lazre'.

Dxácate̱ zaj zre̱'e̱ dxelawe̱', na' gucá'a Jesús xeta xtila, ne guzre̱' Dios: “Xcalenu'.” Ca gudé bzúzruje̱' na, na' bnézruje̱' na chee̱ benne' ca', ne guzre̱' le̱': ―Le gagu na. Da nigá dxulé'e na ca gaca chee̱ be̱l-la' dxen chia'.

Nadxa guqué̱'e̱ tu da dxé'ajdxu, ne ca gudé guzre̱' Dios: “Xcalenu'”, na' bnézruje̱' na benne' ca', na' xúgute̱' gulé'aje̱' late' weaj da na'. Nadxa Jesús guzre̱' le̱': ―Da nigá zéaje̱ na dxen chia' da dxucá'ana chawe na xel-la wezría cube. Dxen chia' nigá lalaj na ne̱ chee̱ benne' zan.

Nadxa gunná Jesús, dxe̱'e̱ le̱': ―Xúgute̱le le'e gusán lázrele neda' na'a xe̱la lawe' da naxúaj na lu xiche chee̱ Dios, dxenné̱': “Gutia' benne' dxuxúe̱' zrila' ca', na' zrila' ca' welase dínnajba'.”

¡Le chasa! ¡Le chu'u na'a! ¡Ba za benne' gudée̱' neda' lu na' benne' ca' dxeledábague̱' neda'!

Jesús guzre̱' le̱': ―Da li dxapa' lue', lu xe̱la nigaze, nédxula ca za cuezre xjeaj chupa lasa, nnau' chunna lasa quebe núnbe'u neda'.