Popular Bible Verses from San Lucas 4

Share

Be' Lá'azxa chee̱ Xránadxu zúale̱ne̱' neda', lawe' da guqué̱'e̱ neda' chee̱ guchálajle̱na' benne' baxache' ca' dizra' chawe' chee̱'. Gusel-le̱' neda' chee̱ xexuna' benne' ca' quebe chawe' zaj zue̱', ne chee̱ guzenda' benne' ba zaj nadxéaje̱' lu da zrinnaj, waca xelelé̱', ne chee̱ xexuna' lau benne' la chul-la ca', ne chee̱ guselá' benne' dxelezaca zi'e̱, ne chee̱ guzenda' bénneache ba bzrin zra Xránadxu Dios gucá'ane̱' le̱' chawe'.

Jesús beche̱be̱': ―Gucuasa lue', Satanás, lawe' da dxenná xiche chee̱ Dios, dxe̱'e̱ bénneache: “Bca'ana szren Xranu' Dios, ne be̱n zrin chee̱ tuze Le̱'.”

Na' beche̱be Jesús: ―Naxúajqueze na lu xiche chee̱ Dios, dxenné̱': Quegá nen xeta xtílaze gaca ban bénneache, san cá'anqueze nen xrtizra' Dios gaca ban bénneache.

Jesús, zúale̱ Be' Lá'azxa Le̱', bezé̱'e̱ xe̱gu Jordán, na' guché̱ Be' Lá'azxa Le̱' le̱'e̱ xixre' lawe' lataj.

Jesús beche̱be̱': ―Cá'anqueze naxúaj na lu xiche chee̱ Dios, dxe̱'e̱ bénneache: “Quebe guchínenu' ca dxaca lazru' Xranu' Dios.”

Gate da xriwe̱' québedxa bezrela lazre' na ájala gun zréaje na Jesús, na' becuasa na tu chi'i.

Nadxa da xriwe̱' guché̱ na Jesús tu xi'a sibe, na' chadite̱ ble'e na Le̱' xúgute̱ cue' xe̱zr la xu da zaj nnita lu xe̱zr la xu nigá, na' guzre na Le̱': ―Neda' gunna' Lue' ca naca xel-la dxenná bea nigá, ne xel-la szren chee̱ xúgute̱ xe̱zr la xu caní, lawe' da zaj xu'u da caní lu na'a neda', na' gunézruja' na nu dxaca lazra' gunézruja' na. Gunna' na chiu' che lue' guzú zribu' lawa', ne gucá'ana szrenu' neda'. Jesús beche̱be̱': ―Gucuasa lue', Satanás, lawe' da dxenná xiche chee̱ Dios, dxe̱'e̱ bénneache: “Bca'ana szren Xranu' Dios, ne be̱n zrin chee̱ tuze Le̱'.”

Nadxa da xriwe̱' na' guché̱ na Jesús lu xe̱zre Jerusalén, na' bcuén na Le̱' xichaj ze'e xudau', na' guzre na Le̱': ―Che da li na' nacu' Zri'ine Dios, guxrite' nigá cheajxe̱zu' lu xu, lawe' da lu xiche chee̱ Dios dxenné̱': Dios gusebague̱' gubáz chee̱ xabáa chee̱' ca' xuluxue̱' Lue'. Xelechísaqueze̱' Lue' nen ne̱'e̱, chee̱ quebe gaca we̱' ni'u lawe' xiaj ca'. Jesús beche̱be̱': ―Cá'anqueze naxúaj na lu xiche chee̱ Dios, dxe̱'e̱ bénneache: “Quebe guchínenu' ca dxaca lazru' Xranu' Dios.”