Popular Bible Verses from San Lucas 18

Share

Jesús bchálaje̱' da dxulé'e na ca naca chee̱ gusé̱dene̱' benne' ca' dxal-la' xuluwízrajtecaze̱' Dios, ne quebe xelexebigue̱'.

¿Quebe guchi'a Dios da dxaca chee̱ benne' ca' ba guqué̱'e̱, benne' ca' dxelenné̱' Le̱' te zra, ne chizrela? ¿Wazrene̱' xeche̱be̱' chee̱ benne' ca'? Dxapa' le'e, Le̱' guchi'e̱ da dxaca chee̱', ne quebe chene̱'. Gate xelá'a neda', Benne' Gulje̱' Bénneache, ¿wazréldxeda' tu benne' lu xe̱zr la xu nigá, benne' dxéajle̱'e̱ chia'?

Jesús guzre̱' benne' ca': ―Da quebe gaca xelún bénneache, waca Dios gúnqueze̱' na.

Zane' lásate̱ benne' dxuchi'e̱ da dxaca quebe guca lazre̱' guchi'e̱ chee̱ nu'ula na', san ca gudé na' gunné̱' lu xichaj lázrdawe̱': Lácala quebe dxapa' ba lá'ana Dios, ne cá'anqueze bénneache, san lawe' da nu'ula nigá dxune̱' neda' ze̱de, guchí'a chaza' da dxaca chee̱' chee̱ québedxa xide̱' gúnle̱'e̱ neda' ze̱de.

Da li dxapa' le'e, benne' quebe si' lu ne̱'e̱ nna bea Dios le̱' ca dxelún bidu caní, québequeze chu'e̱ naga dxenná bea Dios.

Jesús gunné̱' benne' ca' dxusé̱dene̱', na' dxe̱'e̱ le̱': ―Le güe lataj xelelá' bidu ca' naga zua', ne quebe guzágale-be', lawe' da benne' zaj naque̱' ca bidu caní welexu'e̱ naga dxenná bea Dios.

Jesús guzre̱' le̱': ―Gaca ca dxennáu'. Ba bexacu' lawe' da guxéajle̱'u chia'.

Jesús guzre̱' le̱': ―¿Bizr chee̱ na' dxennáu' naca' xrlátaje? Netú benne' quebe naque̱' xrlátaje. Tuze Dios naque̱' xrlátaje.