Popular Bible Verses from 1 Corintios 13

Share

Bénnea' nape̱' xel-la zri'i lazre' li: Naque̱' zren lazre'. Naque̱' zri'i lazre', ne quebe naque̱' xa lazre'. Quebe dxucá'ana szren cuine̱', ne quebe dxuzé̱cu'e̱. Quebe dxune̱' da cale̱la, ne quebe naque̱' zre'e lazre'. Quebe dxezre̱'e̱, ne quebe dxu'u lazre̱'.

Dxuchaga lawe̱' xúgute̱ da dxaca nen dute̱ xel-la dxeajlí lazre' chee̱', ne dute̱ xel-la dxebeza lazre' chee̱', ne dute̱ xel-la zren lazre' chee̱'.

Quebe dxebene̱' gate nu benne' dxeajcházie̱' lu dul-la, san dxebene̱' lu da li.

Ca' naca na, xel-la dxeajlí lazre', ne xel-la dxebeza lazre', ne xel-la zri'i lazre' li xelezúaqueze na chadía chacanna, san da blaudxa chee̱ da caní naca na xel-la zri'i lazre' li.

Xel-la zri'i lazre' li quebe te chee̱ na. Wazrín zra gate québedxa chínedxu nu benne' guchálajle̱ne̱' dxi'u waláz chee̱ Dios, ne benne' dxéajni'ine̱' xúgute̱.

Che dxuchálaja' dizra' chee̱ benne', ne chee̱ gubáz chee̱ xabáa ca', san quebe napa' xel-la zri'i lazre' li, quebe nácadxa' ca tu xide da dxenné̱ na, u ca tu xia da dxenné̱ na.

Che dxuchálaja' waláz chee̱ Dios, ne che nezda' xúgute̱ da zaj nagache, ne dxéajni'ida' xúgute̱ da dxelaca, ne napa' xel-la dxeajlí lazre' chee̱ séqueda' gucuasa' xi'a ca', san che quebe napa' xel-la zri'i lazre' li, quebe nu nácaqueza'.

Che quísia' xúgute̱ da de̱ chia', ne che guzúa' be̱la' dxen chia' chee̱ chezxe na, san che quebe napa' xel-la zri'i lazre' li, quebe bi da ba neza naca na chia'.

Gate ne naca' bidau' bchálaja' ca bidau', ne gulaba lazra' ca bidau', ne bchi'a ca bidau', san gate guca' benne' waca, bzua' chalá'ala da zaj naca chee̱ bidau'.