Popular Bible Verses from SAN MARCOS 14

Share

Co are jinchetsenhe ñao Dios, ndac̈ho: ―Padre, soixin nchao nchehe cainxin cosa. Mexinxin si nchao, tanc̈hjandaha na janha satto ngain tti anto tangui que tsonna. Pero tsoenha inchin janha rinaho, sino que tsonhe inchin soixin rinao.

Tadinttetsjehe ra co nchetsenhe ra ñao Dios para que ẍonhi cosa jianha sinttatjanji ra. Ndoa, espiritua ra anto rinao sintte jian, pero cuerpoa ra sojiha.

Co seguro rrondattjo ra que ngoixin mundo tti rronichja na tti joajna que danjo iná vida naroaxin, cai rronichja na ixin quehe joinchehe nc̈hí jihi nganji na janha, para rroẍaxaon na de ixin jehe nc̈ha.

Co ndac̈ho ngain canio nijoicao: ―Janha tonona ngain ansenna ná joachjaon anto soji hasta rinaho ndasenhe na. Jaha ra dittoha ra nttihi, co dinttec̈hinha ra.

Co are tene na, Jesús coá niottja co chjé gracias ngain Dios, cottimeja váña nio, co joanjo nio ngain cain na co ndac̈ho: ―Jintte ra. Jihi rroc̈ho cuerpona.

Cottimeja coá Jesús vaso co chjé gracias ngain Dios, co joanjo ngain na cai, co cain na vihi na nchinnchin. Co ndac̈ho ngain na: ―Jihi rroc̈ho jnina que nchesegurá tti trato naroaxin co sinttji jnina para tsjenguijna tsje chojni.

Cottimeja Jesús ndac̈ho ngain na: ―Cain jaha ra sinttechinhi ra de ixin janha ngain ttie jihi, ixin jitaxin ngain Palabré Dios: “Janha, tti Dios, nasoenxon tti ttingaria coleco, co cain coleco ndarrochjequé va.”

Dingattjen ra, nttimé joí tti ndac̈ho queẍén para rrotse na na janha.

Cottimeja Jesús ndac̈ho ngain: ―Janha seguro rrondattjo que ngain ttie jihi saho que conttaxichia rrotsje va yoxin nttiha, jaha orrondac̈ho ninxin nttiha ixin chonxinha na janha.