Popular Bible Verses from SAN MATEO 27

Share

Co inchin ní hora tsocjin Jesús coyao soji co ndac̈ho: ―Elí, Elí ¿lama sabactani? ―que rroc̈ho: Diona, Diona, ¿quedonda ndacointtona na janho?

Ngain rato mé tti manta que vettoa ngaxinhi tti nihngo icha importante, hasta yó vichjenga manta mé de noi hasta tti nontte. Co coingui nontte hasta ttjao vichjenga. Co tsje lugar tti ẍavá chojni xiré co tsje chojni que vaguitticaon na Dios, co ndavenhe na, are mé xechon na.

Jesús cjan coyao soji iná, co ndavenhe.

Are jehe xicapitán conixin cain xisoldadoe xa que tenda Jesús nttiha vintteguicon xa que coingui nontte co conaxin xehe co icha cosa que conhe, anto vintteẍaon xa co vinttendac̈ho xa: ―Ján ndoa que xí jihi Xenhe Dios.

Cottimeja ngoixin ngataha nontte ndaconaxin xehe desde ngosine nchanho hasta ní hora tsocjin.

Pilato joanchiangui ngain na iná co ndac̈ho: ―¿Co quehe sinttaha janha conixin Jesús, tti dinhi Cristo? Cain na ndac̈ho na: ―¡Nchecrucificá! Cottimeja Pilato ndac̈ho ngain na: ―¿Quehe cosa jianha joinchehe? Pero jehe na cjan na ndac̈ho na sén iná: ―¡Nchecrucificá!