Popular Bible Verses from SAN MATEO 15

Share

Pero tti palabra que dac̈hjexin de ngain rroha ni ttixin de ngain ansén ni, co palabra mé tti nchejianha ni. Ixin de ngain ansén chojni ttixin cain cosa jianha que jehe na ẍaxaon na, co jehe na ẍaxaon na para santsjehe na vidé iná chojni, co jehe na dinttejoacaho na iná nc̈hí que jeha nc̈hichihi na, jehe na tté na cosé iná chojni, jehe na nichja na ndoaha de ná cosa, co jehe na ncheẍoxinhi na nichja na cuentoe iná chojni que jeha ndoa.

Jeha tti jine co tti dihi chojni nchejianha na, sino que cain palabra jianha que dac̈hjexin de rroha na, mé tti nchejianha na.

Chojni tehe nchesayana na de ngain rroha na, pero de ngain ansén na ẍa icjin te na para sinao na na janha. Mexinxin ẍonhi ẍé masqui tenchecoanxinna na; ixin tti jehe na tenchecoenhe na chojni joxon tti ttetonha xí nttihi ngataha nontte.

Cottimeja Jesús ndac̈ho ngain nc̈hí mé: ―¡Jaha anto jian ditticaon! Tsonhe inchin jaha rinao. Co ngain rato mé xenhe tti nchí mé ndaxingamehe xan.

Pero nc̈hí mé conchienhe nc̈ha co vettoxin nttajochjihi nc̈ha ngain Jesús co ndac̈ho nc̈ha: ―¡Nttatsanha ñao ttjenguijna na soixin! Jesús ndac̈ho ngain nc̈hí mé: ―Nchaoha jí si ná chojni santsjehe xenhe niottja para rrochjé conia nio. Pero jehe nc̈hí mé ndac̈ho nc̈ha: ―Ján ndoa, pero hasta conia nchao jine va tti nchoe niottja que dinttjixin de ngataha mesé nindoha va.