Popular Bible Verses from SAN LUCAS 17

Share

Cottimeja ndac̈ho Jesús ngain xí mé: ―Dingattjen co sattji; jaha ondaxingamaha ixin vitticaonna.

Masqui chojni mé yáto nttiha sinchehe jianha nganji jaha ngain nacoa nchanho, co yáto nttiha tsí sindattjo: “Irrocjanha na sinttaha jamé”, jaha chonda que sinchetjañehe.

Cottimeja ná de jehe xa are vicon xa que iẍonhi chin jichonda xa, sacjan xa co coyao xa co joinchecoanxinhi xa Dios. Co vettoxin nttajochjihi xa ngain Jesús, co visé xa hasta tti ngataha nontte, para que joanjo xa gracias ngain Jesús. Co xí mé Samaria nonttehe xa.

Ttjiho ra cuidado jaha ra. ’Si ná chojni que ditticaon nganji na janha sinchehe jianha nganji jaha, nchesattehe; co si tsentoxinhi vidé, nchetjañehe.

Cottimeja ndac̈ho Jesús: ―¿Apoco jeha tte xí que xingamehe xa de ixin chinhi xa? ¿Quettinó te tti icha xí?

Cottimeja Jesús ndac̈ho ngain na: ―Si tti ditticaon ra jiexin rroguehe inchin ná tsehe ca dinhi mostaza, jaha ra nchao rrondache ra nttasicómoro jiha: “Jaha dac̈hjenguixin de yá, co sadixenga ngangui ndachaon”, co nttá yá rrojinchehe ntta jamé.

Tti chojni que rinao ẍonhi tsonhe vidé, mé ndasinchetján vidé, pero tti chojni que sinchetján vidé, mé rrochonda iná vida naroa.

Jesús ndac̈ho ngain tti chojni que vacao: ―Ngataha nontte jihi cain tiempo sehe cosa que sinchenchehe chojni tti jianha, pero ¡anto tangui tsonhe tti chojni que sincheyehe iná chojni para sinchehe jamé! Icha jian si chojni mé rroguec̈hianito ná ẍoc̈hin ttosin co rroguetsingangui ndachaon, que sinchecanttjen chojni tehe ngain cosa jianha.

Inchin conhe ngain tiempo que vechon Noé, jamé tsonhe cai are janha, tti Xí que joixin de ngajni, sihi iná. Ngain tiempo que Noé vechon, ẍonhi chojni vitticaon ixin toin ndasitján mundo, mexinxin vanchehe na sigue vane na co vaguihi na co vacottehe na co vaganjo na xenhe na xannc̈hí para vacottehe xan hasta ngain tti nchanho que Noé vixinhi arca co joí jinda para ndagoen cainxin chojni.