Popular Bible Verses from WIDANG SI’ANG ONÉ HI YOHANÉS 5

Share

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.

agu télés kéta déréd, “Anak Jimbal hitut poli mbelé patun te tiba kuasa, bora, nggalas, mberes, hiang, mengit, agu sanggéd naring!”

Ité poli pandé isé ciri ca wa’u latang te imam kanang, te gori keturu latang te Mori Keraéng dité, agu isé te perénta ného rajas oné lino.”

Itug kali dengé laku déré de sanggéd lawa Surga agu oné lino, bewa-mai lino, agu sanggéd taung situt manga bonén tacik, “Latang te Hia hitut lonto éta seriga agu latang te Anak Jimbal hitu, sanggéd naring, hiang, mengit agu kuasa dengkir lén!”

Itug kali mai taé de cengata ata tu’a situ, “Néka rétang é! Lélo dé, singa oné-mai panga Yéhuda, ngong waé di Daud polig ontongn, wiga Hia ngancéng nggé’id pitu roku situ agu céngka surak hitu.”