Popular Bible Verses from MARKUS 6

Share

Itu kali mai taé Diha ngong isé: “Mai ga, ngo oné osang ata lingotn, kudut hanang koéd, agu asi cekoén!” Ai do bail ata haluk pé’ang oné, wiga latang te lompong kaut toé manga lingad.

Og kali mai taé de Mori Yésus ngong isé: “Cengata nabi hiang lata nia-nia kaut wan, maik toé oné béo run, oné bahi-réha haé kilon agu oné mbarun.”

Du wa’un Mori Yésus ita Liha nunggu-nengger kéta lawa do, itug kali wéong kéta nain ali momang isé, ai isé cama ného jimbal siot toé manga ata lamid. Itug kali pu’ungn Hia toing do kéta oné isé.

Hia toé manga pandé can koé tanda lenget nitu, bo pandé ina pisa taus ata beti le témba limé Diha bétan isé. Hia lenget koléy ali toé imbi disé. Itu kali Mori Yésus lako léok béoy cang agu toing atan.

Hia conga nggere-éta awangy agu wan berkak, itu kali pu’il sanggéd roti situ agu téings Liha oné ata nungkun, kudut pati oné lawa do situ; nenggitu kolé ikang situt sua mongkod, pati kéta taung oné sanggéd lawa do situ. Agu sanggéd isé hang wiga becur kéta taungs. Poli hitu ligots lisé ropo roti situt récid campulusua rotod, toé bilang nitus ikang ata récid.