Popular Bible Verses from MARKUS 2

Share

Dengé le Mori Yésus réi disé agu mai taén ngong isé: “Toé ata weki di’a ata kawé doktér, maik ata beti; mai Daku toé latang te kawé ata nggeluk, maik ata ndékok.”

Du ita le Mori Yésus imbi disé, mai taé Diha ngong ata péko hitu: “Oé anak Daku, polig ampongd ndékokm!”

Mai kolé taé de Mori Yésus agu isé: “Tara mangan leso Sabat latang te ata manusia agu toé manusia latang te leso Sabat

Maik isé toé ngancéng ba dungka Hia, ai do baild ata situ, itu kali rongkasn lisé éta mbaru dungka Hia; woko lénga gi, ulur wan lisé ata péko hitu do’éng agu berotongn.

Maik kudut pecing le méu, te oné lino ho’o Anak Manusia manga kuasan te ampong ndékok” – maig taé Diha ngong ata péko hitu -- : “Latang te hau, Aku taé, to’oh ga, téti brotongm agu kolé nggere-oné mbarum!”

Nia ata céwé émongn, curup agu ata péko ho’o: Ndékok de hau polisg ampongd, ko curup nggo’o: To’oh ga, téti brotongm agu lakoh?

Agu ata hitu heséy, gélang-gélang téti brotongn agu ngo nggere-pé’angy oné ranga de lawa do situ, wiga sanggéd isé jenger taungs, og kali naring Mori Keraéng, mai taéd: “Pandé nenggo’o toé dé’it manga itan lité.”