Popular Bible Verses from LUKAS 8

Share

Tana beheng, ngong ata siot poli dengé curup situ, na’a oné naid hitut di’a, agu tua wua ata makengn.”

Tana oné remang karot, ngong ata situt poli dengé curup situ, agu du uwa nggerolod ga, isé kecé le simpung agu le bora agu minakn mosé, wiga isé toé cir wua situt té’é.

Tana nampar, ngong ata siot poli dengé curup situ, tiba kéta di’as lisé, maik isé toé wakés, wiga dokong kaut imbid, wiga du cain damang, okésg lisé.

Mai taé Diha ngong isé: “Nia ka’éngn imbi de méu?” Og rantangd isé agu lengéts, itu kali mai taéd cama taud: “Céing kéta dé Hia ho’o wiga ngancéng perénta buru warat agu waé, agu lorong kaut perénta Dihas?”

Tana lupi salang, ngong ata siot poli dengéd curup situ; ného cepisan maig jing da’at emi curup situ oné mai nai diséd, kudut isé néka imbi agu néka selamaks.

Ai toé manga can situt pété cehas, ata toé ita si’angs, agu toé can situt pété ceha ata toé cirik pecings, agu wéwas.

Du lélon le inéwai hitu, te poli pecingn pandén hitu, hia mai agu ndéwern, cunem wa ranga Dihan, agu tombo oné ata do, co’o tara caun liha Hia, agu du hitu kéta muing hia inan. Mai taé Diha ngong inéwai hitu: “Olé anak Daku, imbim ata pandé selamak hau, ngoh ga di’a-di’ah.”

Og maid ata nungku Diha, kéngko Hia, taéd: “Tuang Guru, copélt ité ho’o ga!” Itug kali to’on Hia, kenta buru warat agu waé hitut tombu-rou. Buru warat agu waé hitu rodo lik, sano hitu kolé letety.