Popular Bible Verses from Songs 22

Share

Eh God! You da God fo me! So, how come you wen bag from me an leave me hea?! How come you stay far away from me?! I stay cry plenny, but you no get me outa trouble!

Was you dey wen yell to, An dass why, dey wen get outa trouble. Was you dey wen trus, Dass why dey no mo shame.

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck. Cuz you Da One In Charge! You da king! You da One dat get da right Fo be in charge a all da nations!

Dey wen split up my clotheses An throw da dice fo see who get wat clotheses.

Da peopo dat not born yet, Bumbye peopo goin tell dem how Da One In Charge do da right ting erytime. Dey goin hear bout eryting Da One In Charge do.