Popular Bible Verses from Songs 16

Share

You, you erytime show me Da way fo live fo real kine. Wen I stay wit you, I stay good inside to da max. Az nice, cuz I live nea you all da time!

I make shua I tink bout Da One In Charge, Cuz he stay in front me foeva. No mo notting throw me off, Cuz he stay right dea by me.

Eh! You Da One In Charge! Da main ting I get cuz I yoa kid, I get you! You, you make good tings happen fo me, Cuz you stay in charge a eryting dat goin happen to me.

I goin tell good tings bout Da One In Charge Cuz he da One show me how fo live. Even nite time, he make me know inside Weneva I jam up. Dass why I goin tell erybody Dat he do good tings fo me!

Az nice, da stuff you do fo me! I stay real good inside Cuz a wat you give me cuz I yoa kid!

Eh God, no let notting bad happen to me! I trus you fo proteck me.