Popular Bible Verses from Songs 10

Share

But wen da peopo dat suffa Like fo you help dem, You, Da One In Charge, lissen dem real good. You goin make dem come all solid inside. You goin hear wat dey tell An goin do um. Wen da peopo dat no mo muddah an faddah yell fo help, An da peopo dat da oddas make any kine to, You goin stan up fo dem. You goin make lidis Fo da bad guys in da world No make nobody sked no moa!

But you, erytime dey do humbug kine stuff You see um an make trouble. You know wass happening fo real kine! You get da powa fo pay dem back. Dass why da peopo dat no can fight back Trus you fo take kea dem. You da One dat take kea Da peopo dat no mo faddah o muddah.

Eh! You Da One In Charge! How come you no stay close to me?! How come, weneva tings come bad, you stay hide?!

Eh! You Da One In Charge! Go fo broke! Eh God! Bus um up dem bad guys! No foget da peopo dat stay suffa!