Popular Bible Verses from Mark 5

An Jesus tell her, “Sistah, you wen trus me. Dass why you come good. Go now, notting goin bodda you. An you no goin suffa no moa.”

Get one wahine wit da peopo. She stay bleed fo twelve year. She suffa plenny, no matta plenny doctas wen try make her good. She wen spen all her money, but she neva come good. She come mo worse.

Right den an dea her bleeding pau, an she no suffa no moa.

He take da girl hand an tell her, “Talita kum,” Dat mean, “Eh! Litto girl, stan up!” Aramaic language.

Jesus still stay talking, an some guys come from Jairus house, da leada guy fo da Jew church. Dey tell him, “Yoa litto girl mahke! Mo betta you no bodda da teacha no moa.” But Jesus no lissen dem. He tell Jairus, “No sked. Ony trus me.”

Jesus tell him, “Let go da guy, you bad kine spirit you!” Da guy yell real loud, “Wat you like do to me, Jesus? Da God Dass Mo Importan Den All Da Odda Gods, you his Boy! Promise to God you no goin make me suffa!” Den Jesus tell um, “Eh, wat yoa name?” An da bad kine spirit tell him, “My name ‘Army,’ cuz us guys, we uku pile a spirits!”