Popular Bible Verses from SALMOS 18

Share

Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.

Da' ka' žon Dios zej naken ḻi ḻaže', na' x̱tiže'e naken dot da' li. Žape chi'e yógo'te benne' ka' žx̱en ḻáže'gake' Ḻe'.

Ẕnnia': X̱anžo Dios žaḻa' wká'n ẕenžo-ne'. Beslé' neda' ḻo na'gak benne' ka' ẕžá'agake' neda'.

Ḻo da' ẕžia yin' benách ka' bḻiža' X̱ana' Dios na' bcháḻjḻenkza' Dios chia'. Ḻe' benle' chi'a gan zoe' latje la'y chie', na' bze nage' da' bchaḻja' ḻawe'.

Le' wzaljo' yi' chia'. Le', X̱ana' Dios, wza'ni'o chia' gan zoa' ḻo da' choḻ.

Dios nake' Bennen' žone' neda' benne' waḻe, na' Benne' žeyone' ḻi ḻaže' da' žona' neda'.

¡Ga'n ẕen X̱anžo Dios! ¡Ga'n ẕene' dan' žákḻene' neda'! ¡Ga'n ẕen Dios, Bennen' žeslé' neda'!