Popular Bible Verses from MARKOS 7

Share

Ki naken, dan' ḻo yichj ḻáẕdo'gak benne' ka' želžój da' kegle ka' da' ẕza' ḻáže'gake'. Che ḻen: Žóngake' doḻa' ka' da' zej naken sban. Ẕbángake', na' žótgake' benách ka'. Žóngake' doḻa' da' ẕka'n ditjen yeḻa' ẕchag na'. Ẕze ḻáže'gake' da' de che ljéžgake' ka'. Žóngake' da' kegle ka', na' žon ḻáže'gake'. Ẕgé'egekle' ljéžgake' ka', na' ẕnnégake' chégake'. Ẕka'n ẕen kwíngake', na' žon yáḻzegake'. Yógo'te da' kegle ki želžojen ḻo yichj ḻáẕdo'w no benne', na' žóngaken ga bi nake' chawe' ḻaw Dios.

Bi be de da' žazen ḻo benne' da' gak gonen ga bi nake' chawe' ḻaw Dios, san da' žežojen ḻe', da' ni gak gonen ga bi nake' chawe' ḻaw Dios.

Bechebe Jesusen', na' gože' ḻégake': —Ḻe'e, benne' ẕḻoé'ezele chawe' kwinle. Nak da' li dan' bzoj Isaías, bennen' bchaḻje' ḻo wláz Dios, kan nak chele. Bzoje' da' ẕnnan: Benách ki, ḻen žoá'agakze' žápegake' x̱tiža'a ba la'ne, kege dot ḻáže'gake'.

Dáche'ze nak kan ẕka'n ẕéngake' neda' dan' žsédgekle' da' ẕnnázegak benách ka', kege da' wnnikza' neda'.

Ki naken, dan' ẕzoale cheḻa'ale da' wnná Dios, na' žonle da' ka' nzi'le ḻo na'gak benách ka'.