Popular Bible Verses from MARKOS 1

Share

Zildo' wyase Jesusen', kate' ne nak choḻ. Bežoje' ḻo yežen', na' wyeje' to latje dach, gan bcháḻjḻene' Dios.

Ki wnné': —Ba bžin ža. Za' yedjnná bia' Dios nga. Le yeyát ḻaže', na' le chejḻé' diža' chawe' ni.

Kate' bežój Jesusen' ḻo nisen', ḻa' na'ze bḻe'ele' beyaljw ya'abá, na' žetj Dios Be' La'y. Ẕnne'e ka to plomdo', na' bedjsóaḻene' Ḻe'. Benle chi'i Benne' ẕchaḻje' ya'abá, na' wnné': —Le' nako' Ẕi'na'. Nži'ila' Le', na' žaz ḻaža'a Le'.

Neda' žezóa' ḻe'e nis, dan' ẕḻoe'elen nzi' ḻo na'le x̱tiža' Dios, san Ḻe' gone' da' ẕḻoé'ezele yeḻa' žezóa nis ni, dan' wchize' ḻe'e Dios Be' La'y, dan' wḻoe'elen nzi' ḻo na' Dios ḻe'e.

Jesusen' bḻiže' ḻégake', na' wnné': —Le gonḻen neda' tẕen, na' gona' ga yedjwa'le benách ka' chia', gonle kan žonle kate' ẕzenle bel ka'. Ḻa' bká'ntegake' yix̱jw ka' chégake', na' jákḻene' Jesusen'.

Bebángekle' kan žsedle Jesusen', dan' žsedle' kan žon to benne' nzi' ḻo ne'e yeḻa' wnná bia', na' kege kan žongak benne' yodo' wsedle ka'.