Popular Bible Verses from HECHOS 1

Share

Si'le ḻe'e yeḻa' wak kate' yide Dios Be' La'y yedjsóaḻene' ḻe'e. Naž wchaḻjle kan nak chia' neda' ḻo yež Jerusalén, na' dot gan nbab Judea, na' gan nbab Samaria, na' ga žíntele dot yežlyó nga.

Jesusen' gože' ḻégake': —Bi nak chele nnézlele bi ža o bi yel gon Dios X̱a', da' yo'on ḻo na'kze'.

Katen' wnníta'gake' tẕen, gože' ḻégake' bi yekwásgake' ḻo yež Jerusalén, na' wnné': —Le kwez ga na' da' bchebe ḻaže' X̱a' seḻe'e chele, kan ba bzenla' ḻe'e. Ḻezka' wnné': —Da' li Ẕwa bezóe' benách ka' nis ḻo nis, na' bi de yeschá gak chele da' ẕḻoe'el yeḻa' žezóa nisen', dan' yide Dios Be' La'y yedjsóaḻene' ḻe'e.

Wdé wẕaka' Jesusen', na' gote'. Naž bebane', na' bḻoe'e ḻawe' ḻawgak benne' wbás chie' ka'. Bḻoe'ele' ḻégake' da' zan da' gok biá'gaken zoe' nbane', da' ka' bi gak no benne' wži'e chégaken. Zan chi'i bḻoe'e ḻawe' ḻáwgake' dot chopḻalj ža, na' bcháḻjḻene' ḻégake' kan ẕnna bia' Dios.

Kate' beyóž bcháḻjḻene' ḻégake' da' ni, na' kate' ne ẕwíagake' Ḻe', ḻa' beyeptie' ḻo be'ze gan že' to bejw da' bkachen' Ḻe', na' biž bḻé'egekle' Ḻe'.

Kate' ne ẕwíagake' ya'abale kate' ne žeyepe Jesusen', bḻa'gak chope wbás che ya'abá ka' gan nníta'gake', wbás ka' zej nakwe' laže' ẕíla'do'ze. Ẕoptie' góžgake' ḻégake', na' wnnágake': —Benne' Galilea ka', ¿biẕ chen' ẕwíale ya'abale? Yeḻa'kze Jesusen' da' yoble kan ba bḻé'elele-ne' katen' bezé'e gan zoale nga, na' beyepe' ya'abá che Dios.