Popular Bible Verses from ECLESIASTÉS 3

Share

Toteco quitalijtoc se cuali tonali para sesen tamanti. Nochi tamanti cati monequi tijchihuase quipiya tonali quema mochihua.

Onca se tonali para titacatis huan onca se tonali para timiquis. Onca tonali para titatojtocas huan onca tonali para tijhuihuitas cati tijtoctoc. Onca tonali para titamictis huan onca tonali para titepajtis. Onca tonali para titasosolos huan onca tonali para titacualchijchihuas.

Onca tonali para tichocas huan onca tonali para tihuetzcas. Onca tonali para timocuesos huan onca tonali para timijtotis. Onca tonali para tiquinsemanas teme huan onca tonali para tiquinsentilis. Onca tonali para tijcuanajnahuas se masehuali huan onca tonali para amo tijchihuas.

Onca tonali para tijtzayanas se tenijqui huan onca tonali para tiquijtzomas cati tzayantoc. Onca tonali para timocamatzacuas huan onca tonali para ticamanaltis. Onca tonali para titeicnelis huan onca tonali para titecualancaitas. Onca tonali para tatehuilisti huan onca tonali para tasehuilisti.

Onca tonali para tijtemos huan tijpantis tamanti huan onca tonali para tijpolos. Onca tonali para titaajocuis huan onca tonali para tijtepehuas cati ticajoctoc.

Nijmati para nochi cati quichihua Toteco, huejcahuas para nochipa. Ipan nochi cati quichijtoc amo teno hueli más tijhueyilise, yon amo teno hueli tijquixtilise. Toteco quichihua ya nopa para ma quihueyitepanitaca huan ma quiimacasica nochi masehualme.

Huan nimoyolilhui: “Ipan nopa tonali cati Toteco quitalijtoc, yaya quintajtolsencahuas nochi masehualme masque cuajcualme huan amo cuajcualme.”