Popular Bible Verses from SALMOS 32

Share

TOTECO quiijtohua: “Na nimitztlalnamictis huan nimitznextilis nopa ojtli catli más cuali, catli monequi ipan timonejnemiltis. Na nimitzconsejomacas huan nimitztlachilijtos.

TOTECO, ipan ta nimotemachía quema onca tequipacholi, huan ta techmocuitlahuía. Tijchijtoc para sequinoc ma nechyahualoca, huan inijuanti huicaj chicahuac para mitzhueyichihuase pampa techmanahuijtoc.

Pero teipa nimitzpohuili nochi notlajtlacolhua huan niyon se amo nijtlati. Nimotemacac nimitzpohuilis nochi notlaixpanolhua huan ta, TOTECO, nochi techtlapojpolhui, huan techquixtili nopa tlaeticayotl.

Nelía paqui nopa masehuali catli TOTECO quitlapojpolhuijtoc itlajtlacolhua huan quiixpolojtoc nochi itlaixpanolhua.

Quipiya paquilistli catli ya quipohuilijtoc TOTECO itlajtlacolhua, huan ayacmo quitlajtlacoltía ica niyon se tlamantli. Ipan iyolo ayacmo mocajcayahua quen amo tleno quichijtoc.

Monequi para nochi catli moaxcahua mitztemose quema itztoque ipan tequipacholi. Monequi motemachise ipan ta, huan masque tequipacholi momiyaquilis quen se atlajtli catli chicahuac mixcuepa, amo quinajsis.