Popular Bible Verses from MATEO 27

Share

Huan nechca las tres Jesús camanaltic chicahuac huan quiijto: “Elí, Elí, ¿lama sabactani?” Ni camanali quinequi quiijtos: “NoTeco, noTeco, ¿para tlen techtlahuelcajtoc?”

Huan ipan nopa tlatoctzi, tzayanqui nopa hueyi cortina catli ica quitzactoya nopa cuarto campa Más Tlatzejtzeloltic tiopan calijtic. Tzayanqui tlen huejcapa hasta tlatzintla. Huan mojmolini tlali huan huejhueyi teme motlajcoitaque. Huan ipan campo santo motlapojque campa quintlalpachojtoyaj mijcatzitzi huan moyolcuique miyac mijcatzitzi catli iaxcahua Toteco.

Huan Jesús sempa camanaltic chicahuac huan quimactili Itonal imaco Toteco.

Huan se capitán huan isoldados catli ihuaya quimocuitlahuiyayaj Jesús quiitaque quema mojmolini tlali, huan quiitaque nochi más catli panoyaya, huan tlahuel momajmatijque huan quiijtojque: ―Nelía ni tlacatl elqui Icone Toteco.

Huan ica tlajco tona tzintlayohuixqui campa hueli ipan tlaltipactli hasta las tres ica tiotlac.

Huan Pilato quintlatzintoquili: ―Huajca ¿tlaque nijchihuas ica Jesús catli quitocaxtíaj nopa Cristo? Huan quinanquilijque: ―Xijcuamapelolti. Huan Pilato quintlajtlani sempa: ―Pero ¿para tlen? ¿Tlaque tlajtlacoli quichijtoc? Pero nopa masehualme más tzajtziyayaj: ―Xijcuamapelolti.