Popular Bible Verses from JUAN 2

Share

Milagr ne beeṉ Jesús guiedz Caná ga, ga glopaa blu me lo miech gaṉle nli tib meṉ nroob nac me. Grëse no ne nac no xpëëdscuel me, zeeṉe bdzioṉ now, hor co bliladz no nli me nac Meṉ ne zëëble diidz ga cxeeḻ Dios.

Pquiab Jesús rëb me: ―¿Pe nacne rnee luuw lo naa? Goṉ gaṉle naraa gdziṉ dze ne gacnaṉ miech cho nac naa.

Dzigo bnabey Jesús zha ne rguiiz vin ga pcodzëë zho nis leṉ gza guies co. Blozhse guiel guiel pcodzëë zhow, rëbchaa me lo zho: ―Goḻcuee niip nis qui, goḻtsieniew lo meṉ ne zo lo lni. Zeeṉe laa zho blee niip nis co tsienie zho, laaw nacle vin.

―Teḻne racladz to milagr ―rëb me―; goḻtsiḻ yadoo rii, ni gni naa lo to gaṉle ngbidz tsoṉa laa naa bzaalolew stib.

Dzigo bzhixcuaa me tib lë doo zig riaa dooguid ne rcaa ma, bzheṉ me doo co beṉcxooṉ me zho ga grë xma zho; blozh ga, ptiixche me xmezh zha ne notsëë dimi ga, nëzrii nëzrec blaaḻ me xtimi zho. ―¡Niinagazh goḻcuee grë ncuaaṉ qui nu! ―rëb me lo zha ne rto palom―. ¡Goḻguieṉ gaṉle lidz Pxoz naa nu! ¡Nacda yu lgui parne tso to wto nu!