Popular Bible Verses from San Lucas 3

Share

Dan me se ga̱a ataa catu̱u̱ Juan tagaꞌ, ne̱ cataꞌ ne ta̱ranꞌ nij yuvii̱, quiꞌyaj Juan, ga̱a ne̱ cataꞌ ne Jesús, ne̱ nu̱ꞌ cachíín niꞌya̱j Jesús rihaan Yaꞌanj, ga̱a ne̱ naxraꞌ rej xta̱ꞌ a. Ga̱a ne̱ nanij Nimán Yaꞌanj xráá Jesús, ne̱ ase vaa ruviꞌ ꞌo̱ chaꞌaa̱n roꞌ, da̱nj vaa curuviꞌ Nimán Yaꞌanj a. Ga̱a ne̱ caꞌmii Yaꞌanj si̱j nicu̱nꞌ xta̱ꞌ, cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man mé so̱ꞌ, ne̱ aranꞌ ndoꞌo raj niꞌya̱j ꞌu̱nj mán so̱ꞌ ado̱nj ―taj Yaꞌanj a.

Ne̱ cheꞌé dan cataj Juan rihaan nij soꞌ a: ―Síí utaꞌ ne na u̱u̱n man soj mej, tza̱j ne̱ vaa ꞌó síí caꞌna̱ꞌ, ne̱ si̱j nucua̱j doj me soꞌ rihanj a. Cheꞌé dan me a̱j ne nó xcúnj na̱chej nuj correá ꞌni̱j tacanj soꞌ maꞌ. Ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj, ne̱ caxri̱i̱ yaꞌan soꞌ man soj si̱j naꞌvej rá cuno̱ rihaan Yaꞌanj, ne̱ caca̱a̱ soj ado̱nj.

Sese ya̱ nuchranꞌ nimán soj, ne̱ quiꞌya̱j soj nda̱a vaa ꞌyaj yuvii̱ cunuu sa̱ꞌ nimán na̱nj á. Ne̱ se̱ guun cheꞌe̱ soj cata̱j soj se vaa xi̱i soj síí cayáán ga̱a naá me Abraham maꞌ. Cata̱j xnaꞌanj ꞌu̱nj rihaan soj se vaa, sese Yaꞌanj rá, ne̱ caꞌve̱e ni̱caj soꞌ náá guun yahij na̱j rihaan yoꞌóó nihánj, ne̱ quiꞌya̱j soꞌ man ꞌo̱ taꞌníí taꞌnij siꞌno̱ Abraham ado̱nj.

Da̱j se vaa ꞌyaj yuvii̱ nica̱j yuvii̱ agaꞌ ne̱ aꞌneꞌ yuvii̱ chruun nuviꞌ chruj sa̱ꞌ raꞌa ne̱ caca̱a̱ yoꞌ roꞌ, taꞌngaꞌ da̱nj quiꞌya̱j Yaꞌanj ado̱nj. Nichrunꞌ quiꞌya̱j soꞌ sayuun man nij yuvii̱ naꞌvej rá canoco̱ꞌ chrej sa̱ꞌ ado̱nj ―da̱nj cataj Juan rihaan nij yuvii̱ a.

Dan me se quiꞌyaj Juan nu̱ꞌ nda̱a vaa taj nana̱ cachrón síí cuꞌna̱j Isaías síí nataꞌ snana̱ Yaꞌanj ga̱a naá rihaan yanj, ne̱ nihánj me nana̱ cachrón soꞌ a: Nucua̱j ndoꞌo caꞌmi̱i̱ natáj ꞌo̱ soꞌ rej tacaan, ne̱ cata̱j soꞌ a: “Naquiꞌya̱j sa̱ꞌ soj chrej cheꞌé se caꞌna̱ꞌ Síí ꞌNi̱j Raꞌa man níꞌ á. Da̱j se naquiꞌyaj nica̱ yuvii̱ chrej anica̱j roꞌ, veꞌé naquiꞌya̱j sa̱ꞌ níꞌ nimán níꞌ, nuchra̱nꞌ nimán níꞌ, ne̱ se̱ caráán chrej ca̱yáán Síí ꞌNi̱j Raꞌa man níꞌ ga̱ níꞌ á. Nu̱ꞌ cuxruj roꞌ, cunu̱u nata̱j, ne̱ nu̱ꞌ quij do̱ꞌ, tacaan do̱ꞌ, cunu̱u nica̱ a. Chrej anica̱j me se cunu̱u nica̱, ne̱ rej ruva̱a̱ me se cunu̱u yoꞌ rej veꞌé cache̱n yuvii̱ ado̱nj. Ga̱a ne̱ queneꞌe̱n nu̱ꞌ nij síí ma̱n rihaan chumii̱ se vaa caꞌve̱e ti̱nanii Yaꞌanj man yuvii̱ rihaan sayuun na̱nj á.” Dan me nana̱ cachrón Isaías rihaan yanj ga̱a naá nana̱ taj xnaꞌanj cheꞌé Juan a.