Popular Bible Verses from San Lucas 21

Share

Cheꞌé dan yoꞌo̱ ni̱ꞌyaj soj, ne̱ xca̱j soj cuentá nu̱ꞌ güii, ne̱ ina̱nj cachi̱nj niꞌya̱j soj rihaan Diose̱ se vaa caꞌve̱e quinani̱i̱ soj rihaan nu̱ꞌ sayuun nihánj asa̱ꞌ gu̱un da̱nj rihaan chumii̱ nihánj, ga̱a ne̱ caꞌve̱e canicu̱nꞌ soj rihaan ꞌu̱nj si̱j caꞌnéé Diose̱ ni̱caj yuꞌunj man yuvii̱ ei ―taj Jesucristó a.

Ne̱ cataj uún Jesucristó a: ―Dan me se cu̱tumé soj man soj se̱ gaa na̱nj yoꞌo̱ gu̱un rá soj rasu̱u̱n ma̱n rihaan chumii̱ nihánj, ne̱ gu̱un rá soj gu̱un xno̱ soj do̱ꞌ, gu̱un rá soj caꞌmi̱i̱ sca̱ꞌ soj do̱ꞌ, gu̱un rá soj gu̱un siꞌya̱j soj nu̱ꞌ rasu̱u̱n ma̱n rihaan chumii̱ nihánj do̱ꞌ a. Se quiꞌya̱j soj da̱nj, tóse̱ taj niꞌyón caꞌna̱j, ne̱ se̱ queneꞌen soj caꞌna̱j a.

ꞌO̱ se cheꞌé se noco̱ꞌ raan soj manj roꞌ, cheꞌé dan yoꞌo̱ ga̱a̱ iꞌna̱ꞌ soj nu̱ꞌ cavii nu̱ꞌ caꞌanj ado̱nj.

ꞌO̱ se ma̱ꞌanj me síí rque̱ nana̱ cu̱u cavi̱i̱ tuꞌva soj na̱nj á. Ne̱ taj síí gu̱un nucua̱j quiꞌya̱j canaán rihaan se‑na̱na̱ soj maꞌ.

Vaa güii caꞌa̱nj niꞌya̱ yoꞌóó do̱ꞌ, xta̱ꞌ do̱ꞌ, tza̱j ne̱ se‑na̱na̱j me se daj chiha̱a̱ míj se̱ quinavij yoꞌ maꞌ ―taj Jesucristó rihaan nij soꞌ a.

Ne̱ cataj uún Jesucristó a: ―Ga̱a ne̱ queneꞌe̱n yuvii̱ se vaa cunu̱u ino̱ güii do̱ꞌ, yavii do̱ꞌ, nij yatiꞌ do̱ꞌ, ne̱ rihaan maꞌa̱n chumii̱ me se cuchuꞌvi̱ꞌ ndoꞌo cunuda̱nj nij yuvii̱ cuno̱ nij soꞌ da̱j ga̱a̱ ca̱ri̱i̱n ndoꞌo na yaꞌa̱nj do̱ꞌ, queneꞌe̱n nij soꞌ da̱j ga̱a̱ quina̱a̱n rihaan na yaꞌa̱nj do̱ꞌ a. Ne̱ cuchuꞌvi̱ꞌ ndoꞌo nij yuvii̱, cheꞌé yan quinano̱ rá nij soꞌ da̱j ga̱a̱ quira̱nꞌ nu̱ꞌ chumii̱ nihánj a. Ne̱ quina̱a̱n taranꞌ nij rasu̱u̱n nucua̱j ma̱n rej xta̱ꞌ a. Ga̱a ne̱ queneꞌe̱n nij soꞌ mán ꞌu̱nj si̱j caꞌnéé Diose̱ ni̱caj yuꞌunj man yuvii̱ á. Dan me se xráá ngaa quita̱j ꞌu̱nj caꞌna̱ꞌ ꞌu̱nj, ne̱ gu̱un nucua̱j ndoꞌoj quiri̱i̱ taꞌngaj, ne̱ veꞌé uxrá curuvi̱j caꞌna̱j ei.

ne̱ nachri̱ꞌ cunuda̱nj nij yuvii̱ ma̱n rihaan chumii̱ ni̱ꞌyaj nij soꞌ man soj, cheꞌé se me soj síí noco̱ꞌ manj ado̱nj.

Ne̱ cache̱n ndoꞌo yuún noco̱o, ne̱ queꞌe̱e̱ chumanꞌ me se cache̱n ndoꞌo chiꞌii̱ cache̱n ndoꞌo xꞌnaa cache̱n ndoꞌo a. Ne̱ queneꞌe̱n ndoꞌo yuvii̱ rasu̱u̱n noco̱o nij ndoꞌo rej xta̱ꞌ, ne̱ cuchuꞌvi̱ꞌ nij yuvii̱, quiꞌya̱j rasu̱u̱n yoꞌ a.

”Dan me se caꞌve̱e se cuno̱ soj nana̱ se vaa unuꞌ uxrá chumanꞌ ga̱ tuviꞌ chumanꞌ do̱ꞌ, caꞌve̱e se cuno̱ soj nana̱ se vaa tucuáá ndoꞌo yuvii̱ rihaan gobiernó do̱ꞌ, tza̱j ne̱ se̱ cuchuꞌviꞌ soj maꞌ. Ma̱a̱n se vaa cheꞌé gu̱un sayuun yoꞌ rihaan chumii̱ nihánj asino ya̱a̱n ado̱nj. Tza̱j ne̱ asa̱ꞌ quisíj guun da̱nj, ga̱a ne̱ se̱ caꞌanj niꞌya̱ chumii̱ nihánj nu̱ꞌ orá maꞌ. ꞌO̱ se quina̱j chumii̱ nihánj doj ado̱nj ―taj soꞌ rihaan nij soꞌ a. Ga̱a ne̱ cataj uún Jesucristó rihaan nij soꞌ a: ―Dan me se cunu̱ꞌ uxrá yuvii̱ ma̱n chumanꞌ noco̱o ga̱ yoꞌó chumanꞌ noco̱o, ne̱ cunu̱ꞌ gobiernó ga̱ tuviꞌ gobiernó a.

Ne̱ cataj uún Jesucristó a: ―Ga̱a ne̱ queneꞌe̱n yuvii̱ se vaa cunu̱u ino̱ güii do̱ꞌ, yavii do̱ꞌ, nij yatiꞌ do̱ꞌ, ne̱ rihaan maꞌa̱n chumii̱ me se cuchuꞌvi̱ꞌ ndoꞌo cunuda̱nj nij yuvii̱ cuno̱ nij soꞌ da̱j ga̱a̱ ca̱ri̱i̱n ndoꞌo na yaꞌa̱nj do̱ꞌ, queneꞌe̱n nij soꞌ da̱j ga̱a̱ quina̱a̱n rihaan na yaꞌa̱nj do̱ꞌ a. Ne̱ cuchuꞌvi̱ꞌ ndoꞌo nij yuvii̱, cheꞌé yan quinano̱ rá nij soꞌ da̱j ga̱a̱ quira̱nꞌ nu̱ꞌ chumii̱ nihánj a. Ne̱ quina̱a̱n taranꞌ nij rasu̱u̱n nucua̱j ma̱n rej xta̱ꞌ a.

Ga̱a ne̱ cataj uún Jesucristó rihaan nij soꞌ a: ―Dan me se cunu̱ꞌ uxrá yuvii̱ ma̱n chumanꞌ noco̱o ga̱ yoꞌó chumanꞌ noco̱o, ne̱ cunu̱ꞌ gobiernó ga̱ tuviꞌ gobiernó a.

Ga̱a ne̱ cataj soꞌ rihaan nii: ―Tu̱mé ndoꞌo soj man soj se̱ gaa na̱nj tiha̱ꞌ yuꞌunj yuvii̱ man soj á. ꞌO̱ se caꞌna̱ꞌ uxrá yuvii̱ cata̱j: “ꞌU̱nj me síí naꞌvi̱j soj, ne̱ Cristo mej á”, cata̱j nij yuvii̱, ne̱ cata̱j uún nij yuvii̱: “A̱j quisíj güii caꞌa̱nj niꞌya̱ chumii̱ na̱nj á”, cata̱j uún nij yuvii̱ rihaan soj a. Tza̱j ne̱ se̱ cuchumán rá soj, ne̱ se̱ canocoꞌ soj man yuvii̱ aꞌmii da̱nj maꞌ.