Popular Bible Verses from San Lucas 16

Share

’ꞌO̱ se síí veꞌé tumé do̱j tzínꞌ rasu̱u̱n roꞌ, soꞌ me síí gu̱un nucua̱j tu̱mé noco̱o doj rasu̱u̱n, ne̱ síí ꞌyaj nij ga̱ do̱j rasu̱u̱n roꞌ, nij doj quiꞌya̱j soꞌ ga̱ noco̱o doj rasu̱u̱n na̱nj ado̱nj.

’Taj va̱j síí gu̱un nucua̱j tu̱mé sa̱ꞌ siꞌyaj vi̱j ruꞌvee maꞌ. Sese quiꞌya̱j suun níꞌ rihaan vi̱j ruꞌvee, ne̱ nachri̱ꞌ níꞌ ni̱ꞌyaj níꞌ man ꞌo̱ ruꞌvee yoꞌ, ne̱ cara̱nꞌ rá níꞌ ni̱ꞌyaj níꞌ man ꞌó ruꞌvee yoꞌ a. Se̱ guun nucua̱j níꞌ cara̱nꞌ rá níꞌ ni̱ꞌyaj níꞌ man vi̱j ruꞌvee maꞌ. Ne̱ xa̱ꞌ soj, tza̱j ne̱ se̱ caꞌvee quiꞌya̱j suun soj cheꞌé Yaꞌanj ne̱ quiꞌya̱j suun soj cheꞌé nij rasu̱u̱n ma̱n rihaan chumii̱ nihánj a̱ maꞌ ―taj Jesús rihaan nij síí tucuꞌyón snana̱ soꞌ a.

Cheꞌé dan sese ne gu̱un nucua̱j soj tu̱mé sa̱ꞌ soj nij rasu̱u̱n ma̱n rihaan chumii̱ nihánj, ga̱a ne̱ me síí gu̱un rá rque̱ nij rasu̱u̱n ya̱ rihaan soj tu̱mé soj, rá soj ga̱. Ne̱ sese ne gu̱un nucua̱j soj tu̱mé sa̱ꞌ soj nij rasu̱u̱n siꞌya̱j ꞌó yuvii̱, ne̱ me síí gu̱un rá rque̱ rihaan soj rasu̱u̱n gu̱un siꞌya̱j maꞌa̱n ya̱ soj, rá soj ga̱.

’Tza̱j ne̱ cataj Abraham rihaan soꞌ a: “Sese se̱ caꞌvej rá nij soꞌ cuno̱ nij soꞌ rihaan Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ, ne̱ caꞌve̱e se cunu̱u iꞌna̱ꞌ uún ꞌo̱ síí caviꞌ, tza̱j ne̱ se̱ cuchumán rá nij soꞌ ni̱ꞌyaj nij soꞌ man soꞌ a̱ maꞌ”, taj Abraham rihaan ruꞌvee yoꞌ a ―taj Jesús a. Veé da̱nj quisíj cuentó nanó soꞌ a.

’Dan me se sese riꞌíj ꞌo̱ soꞌ man nica̱ soꞌ, ne̱ sese xcaj soꞌ man ꞌó chana̱, ne̱ tumé soꞌ cacunꞌ, ne̱ sese xcaj ꞌo̱ soꞌ man chana̱ quiriꞌíj nica̱ man, ne̱ tumé soꞌ cacunꞌ uún ado̱nj ―taj Jesús rihaan nij síí fariseo yoꞌ a.