Jo̱ cajíngꞌˉ Jmɨguíˋ quiáꞌˉ Fidiéeˇ casɨ́ꞌrˉ i̱ Lii˜ do:
—Gua˜ jo̱ güɨquiéengˊ laco̱ꞌ ngoꞌˊ e bǿøꞌ˜ do.
Jo̱ mɨ˜ cangoquiéengˊ Lii˜ fɨˊ jo̱, jo̱baꞌ canúurˉ e ɨˊ i̱ dseañʉꞌˋ do e jiˋ e cajmeꞌˊ i̱ Saíiˆ do, jo̱baꞌ cajmɨngɨꞌˊreiñꞌ do jo̱ cajíñꞌˉ:
—¿Su ngámꞌˋbaꞌ e ɨꞌˋ na?
Jo̱ cañíiˋ i̱ dseañʉꞌˋ do quiáꞌˉ Lii˜ jo̱ cajíñꞌˉ:
—U̱˜, jaˋ ngánꞌˋn, co̱ꞌ jí̱i̱ꞌ˜ jaangˋ jaˋ i̱i̱ˋ seengˋ nijmeáꞌˉ jnea˜ júuˆ e˜ guǿngꞌˋ jaléꞌˋ e to̱o̱˜ la.
Jo̱guɨ i̱ dseañʉꞌˋ etiope do catǿꞌrˉ Lii˜ e caguáiñꞌˋ do ni˜ e bǿøꞌ˜ do co̱lɨɨng˜ có̱o̱ꞌr˜.