Popular Bible Verses from Hechos 28

Share

Jo̱ dseángꞌˉ eáamˊ jaˋ ꞌgóꞌrˋ guiarˊ e júuˆ do quiáꞌˉ jial iing˜ Fidiéeˇ nicá̱rˋ nifɨˊ quiáꞌˉ lajaangˋ lajaangˋ dseaˋ jmɨgüíˋ. Jo̱guɨ eꞌˊguɨr jaléngꞌˋ i̱ dseaˋ i̱ guilíingˉ do cajo̱ jaléꞌˋ júuˆ quiáꞌˉ Fíiˋnaaꞌ Dseaˋ Jmáangˉ. Jo̱ jí̱i̱ꞌ˜ jaangˋ dseaˋ jaˋ i̱i̱ˋ jnɨ́ɨngˊ quiáꞌrˉ faꞌ jaˋ cuǿøngˋ jmérˉ lajo̱. Jo̱ lanab jí̱i̱ꞌ˜ lɨ́ɨˊ júuˆ e cajmeꞌˊ Lucas e catɨ́ɨngˉ Teófilo.

Jo̱ dsʉꞌ Paaˉ dsifɨˊ ladob cabóꞌrˋ guóorˋ fɨˊ ni˜ jɨˋ, jo̱ catǿmꞌˋ i̱ mɨꞌˋ do, jo̱ jí̱i̱ꞌ˜ co̱o̱ˋ jaˋ e calɨ́iñˉ.

Gua˜ jo̱ güɨsíiꞌ˜ jaléngꞌˋ dseaˋ Israel e nañiˊ faꞌ jialguɨ e ninúrˉ dsʉꞌ jaˋ iiñ˜ ningáiñꞌˋ jí̱i̱ꞌ˜ co̱o̱ˋ; jo̱guɨ nañiˊ faꞌ jialguɨ e nijǿørˉ, dsʉꞌ jaˋ iiñ˜ ninírˋ jí̱i̱ꞌ˜ co̱o̱ˋ. Co̱ꞌ dsíngꞌˉ jaˋ iing˜ jmɨtɨ́ɨngˋ jaléngꞌˋ i̱ dseaˋ íˋ jo̱guɨ jaˋ líꞌrˋ ɨˊ dsíirˊ røøˋ jo̱guɨ jnɨrˊ loguar˜ có̱o̱ꞌ˜guɨ jminirˇ cajo̱ e laco̱ꞌ jaˋ líꞌrˋ núurˋ o̱ꞌguɨ jǿørˉ o̱ꞌguɨ líꞌrˋ ningáiñꞌˋ cajo̱. Jo̱ lajo̱b jaˋ líꞌrˋ niquɨ́ꞌˉ jíngꞌˋ yaaiñ˜ fɨˊ quiniiˉ e laco̱ꞌ jnea˜ quɨ́ꞌˉ jmɨɨ˜ nijmiꞌleáanˆnre jóng. Jo̱ lanab lɨ́ɨˊ júuˆ quiáꞌˉ Saíiˆ e cajmeꞌrˊ malɨɨ˜guɨ eáangˊ.