Popular Bible Verses from San Mateo 27

Share

Hya xi camá ne, jercu hñu camahani cachja Jesús cuitjin: ―‍Elí, Elí, ¿lama sabactani? -cjua vëhë meje cuichja ta: Ngayun Nina naha, mé má canismutacun ná.

Hacuaha hora vëhë ni ne, tsjian nduju xi tyjangui cahntsua yungun xi matitjun jan ne, hisca rcu hisca ntsacu canduva catiyavasen. Hacuaha cafani nangui. Hacuaha cavacjan ndyojo. Hacuaha hora vëhë ni ne, catuxaha tsjun rë nima, hane jemu cjín xuta xi tyjahi cjuatacun rë me xcun Nina ne, cavuya cjuahñu rë me.

Hane Jesús ne, hora vëhë ne, jercu cajindaya nga me hane cahme me.

Hora xi cahme Jesús ne, cha capitán tsëhë cha sindadu cojo yahnga sindadu xi hinchacun me ngajan vutsejensun me Jesús ne, camachaya rë cha xi fani nangui cojo cjin xcusun sa xi cavatju camá. Hane jercu quijircun camaha ni rë cha. Hacuaha cachja cha cuitjin: ―‍Hacui jain me vihi xi Quihndi Jain rë Nina, me.

Hane hora vëhë ne, camajñu jingujyë ni. Cavetsihin xi camanchisen ne, quiji cani rë hisca fane jyan.

Sehe cachja nga Pilatu cuitjin: ―‍Sá cuatjin ne, ¿mé xi sahme cojo Jesús xi Cristu xu? Ngajan xi cafayangui yëjë xutacjín jan cuitjin: ―‍¡Tetuhun cha xcun cru! Ngajan xi cachja Pilatu cojo rë me ta: ―‍Peru ¿mé xi rcu jyë́ casahmi cha? Peru xutacjín ne hitsë sa hñu cajindaya me cachja me cuitjin: ―‍¡Tetuhun cha xcun cru!