Popular Bible Verses from San Lucas 9

Share

Hane sehe cavuya cachja nga me cojo yëjë ni xuta jan cuitjin: ―‍Sá xi tjin yo xi meje rë xi cuma xuta ladu naha matsejen ne, ha quihndë mijí rë xi sahmi hacutjin xi meje rë suvá matsejen ta nchunchujun ni matsejen ne, catejñahñu xahasen rë xi cjuecojo ndiya naha, handasa hisca cueya xcun cru.

Cuatjin matsejen ta, tsëhë xi yo xi meje cjuenduju cojo ngasunhndë rë cojo cjuatacun rë suvá matsejen ne, cuechintaain cjuahñu xatsë. Peru yo xi cuatju cjuañihi o hisca cueya ngatsë naha matsejen ne, vëhë xi cuechútáha cjuahñu xatsë.

Peru Jesús ne, cuitjin xu cachja me cojo xuta jan: ―‍Ngu xuta xi ha cavejña cacun me xi cjuetjengui me ndiya rë Nina sehe cumangu cumajo cacun me ¿há cjue, há cjuiin me ne?, tangun me cojo ngu cha xi ha cafaha cha ndetsihin latu xi cuetsihin cuacjan cha nangui peru tivutsejen sa cha taha ngaxtun cha. Sacuatjin machjiriin cha vihi xi cuacjan cha nangui ne, hacuanitjin ni machjiriin me vëhë xi cuisecoo me Nina hiscan xi sahmi Nina gubiernu. ―‍Cuatjin xu cachja Jesús.

¿Mé machjirëhë rë yo xi sacú rë yëjë cjuanchina rë ngasunhndë sá xi cueya hacuaha cuma castigu?

Machjiriin matsejen ta, tsëhë xi yo xi ma sava rë ngatsë naha cojo ngatsë rë cjua naha matsejen ne, ngahan xi Quihndi rë Xuta Jain ngahan matsejen ne, hacuaha cuma sava ná tsëhë hya xi cuinduva cojo hasen ndajyihi naha hacuaha tsëhë Nahmi naha hacuaha tsëhë ángel xi vejña tsëhë me.

Sehe ngajan xi Jesús ne, cuitjin xu cachja me cojo xuta jan: ―‍Chu ninda ne, tjin nguijo hiscan viyuju chu, hane nisë xi vitjen chu ngahnga ne, tjin ndava chu, peru ngahan xi Quihndi rë Xuta Jain ngahan ne, hisca ndya naha tsajin. ―‍Cuatjin xu cachja me.

sehe cachja xu me cojo xuta ladu rë me jan cuitjin: ―‍Tu yo ni xi cjuahatsja rë lihndi vihi tsëhë xi ladu naha má ne, hacuaha hora vëhë cjuahatsja ná ngahan. Hacuaha xi cuatjin cjuahatsja ná ngahan ne, hacuaha cjuahatsja rë Nina xi catsingatju ná. Hane tu yo ni xi má nuju xi ma tjengui tsëhë ngajñi nuju ngayujun ni ne, vëhë xi matitjun xi má rë Nina. ―‍Cuatjin xu cachja Jesús.