Popular Bible Verses from San Lucas 23

Share

Ngajan xi Jesús ne, cachja xu me cuitjin: ―‍Ngayun Nahmi naha. Ninchatuhun rë xuta vi ta, hvíin me mé xi tisahmi me. ―‍Cuatjin xu cachja Jesús. Hane xi cuatëcja sindadu tsjian rë Jesús jan ne, cavaxë xu cha ngu suerte.

Hane Jesús ne, cuitjin xu cafayangui me: ―‍Cuichjá cojo nuju cjuaquixi ta ha cojo quihndë ni ne, cuinechun cojo ná ngajan cahndë́ ndajyihi hiscan xi hmí rë Paraíso. ―‍Cuatjin xu cafayangui Jesús.

Sehe cachja xu cha cojo Jesús cuitjin: ―‍Jesús, ninguitsjun ná hya xi cuinduvun nihñu gubiernu. ―‍Cuatjin xu cachja cha.

Hya xi camá ne, jercu hñu camaha xu ni cachja Jesús cuitjin: ―‍Ngayun Nahmi naha. Ntsun cuejñá hasen naha. ―‍Cuatjin xu cachja me. Hane xi cavatju cachja me cuatjin ne, cahme xu me.

Hane xi cafehe cha cojo Jesús hiscan xi hmí rë Nínda Rcuun ne, ngajan cavetaha xu cha Jesús xcun cru hacuaha caviyujutaha sa cha catsijo cha tsehen jan xcun cru rë cha. Ngu cru xi quitahá ngu cha ne, casecun xu táha xcun tsëhë Jesús, hane ngu nga ne, táha quixi.

Hane hora vëhë ne, camajñu xu jingujyë ni. Cavetsihin xi camanchisen ne, quiji cani rë hisca fane jyan, tsëhë xi tsuhi ne, ha quihndë casuaain xu ndavá rë. Hacuaha ngajan cahntsua yungun xi matitjun, tsjian xi vitechja rë tingotjo rë Ndava Nina ne, catiyavasen xu.

Hane ngu capitán xi secun tiña xu jan ne, xi cavëë cha xcusun xi camá jan ne, casahmi jyë casahmi hnga cha Nina, cachja xu cha cuitjin: ―‍Quixi jain xi cha xi cuijyihi vi ne, tsajin jyë́ rë cha. ―‍Cuatjin xu cachja cha.