Popular Bible Verses from San Lucas 19

Share

Hane ngahan xi Quihndi rë Xuta Jain ngahan ne, canduvá xi cuanguësë hacuaha cuaxë́tjë xuta ladu rë Nina xi cachajá me tsëhë ndiya rë Nina. ―‍Cuatjin xu cachja Jesús.

Cuitjin xu cachja me: ―‍Jemu catsinchacun Nina me xi nduva vi xi cuma titjun tsajan, tsëhë xi Nina catsingatju rë me. Ngahnga ne, hatuxa jemu tjin cjuandaja cjuajeya, hacuaha Nina ne, hatuxa jyë hnga me cojo Hasen rë me. ―‍Cuatjin xu cavaxëndaja xuta Nina.

Ngajan xi Jesús ne, cuitjin xu cachja me: ―‍Quihndë ta cuatjin ne, ngayujun ni tsëhë ndihya vihi ne, cavetjuntjun ta, me xi cuijyihi vi ne, hacuaha cojo me má me xuta ladu rë Nina.

Hane xi cafehe xu Jesús jan ne, sehe cavuya cavutsejenniji me rcu ya hiscan quisun cha ne, sehe cachja xu me cojo cha cuitjin: ―‍Zaqueo, nduvunjnu sanii ta, tsëhë xi sahmi ná ngujyë xi ndya nuju cuitejña quihndë. ―‍Cuatjin xu cachja me. Ngajan xi cha Zaqueo ne, marcu macjain xu cavitujne cha, cafahatsja cha Jesús cojo yëjë ni cjuasua, quijicojo cha me ndava cha.

Hya xi camá ne, xi ha tacun Jesús ndava cha Zaqueo ne, cavisatjenhnga xu cha, sehe cachja xu cha cojo Nai naja cuitjin: ―‍Chutsujun ni, tatá. Vasentjin tsëhë yëjë ni xcusun xi tjin ná ne, suá rë xuta yuma. Hane sá xi tjin yo xi cavaxë́ rë tujún cojo cjuandacha ne, ñuju cuatjin sacuatjin xi cafahá ne, tsicúya tsëhë me. ―‍Cuatjin xu cachja cha.

Hane ngujo cha fariseo xi hinchajñi ngajñi rë xutacjín jan ne, cachja xu cha cojo Jesús cuitjin: ―‍Maestro, tichuncjun cjua xi tichja xuta ladu nuju vë. ―‍Cuatjin xu cachja cha. Hane xi cafayangui Jesús ne, cuitjin xu cachja me: ―‍Nguehe cuichjá cojo nuju ta sá xi xuta xi cuicun vi sejyu me ne, ndyojo vi cuetsihin squindaya cuichja nga. ―‍Cuatjin xu cafayangui me.