Popular Bible Verses from San Lucas 11

Share

Ngayun xi tsehen cjuatacun nuju ne, ma tuhun rë quihndi nuju xcusun xi ndaja. Hitsë guan Nahmi naja xi tacun me ngahnga ta hitsë sa jercu meje sua me Hasen rë me cojo xuta xi cjuehya rë me. ―‍Cuatjin xu cachja Jesús.

Hacuaha cuichjá cojo nuju cuitjin: Chjahyun rë Nina, hane sua nuju me. Tinchunsun, hane sacú nuju. Tinújun, hane Nina ne, sua me cahndë́ cuisuhun.

Cuatjin nihñu ta, yëjë ni xuta xi fehya me ne, fahatsja me, hane yo xi vanguise ne, sacu rë, hane yo xi chja ne, sacu cahndë́ visehen.

Ngajan xi Jesús ne, cuitjin xu cafayangui me: ―‍Hya xi nihñu oración ne, cuitjin tinújun: Ngayun Nahmi niji, meje niji xi ngayijin ni xuta ngasunhndë chjihinrcuin nuju. Meje niji xi cuinduvun nihñu niji gubiernu.

Ninchatuhun niji tsëhë jyë́ xi jemu quitjin ta ngayin suvin ne, hacuaha tininchatihin rë yëjë ni xuta xi quitjen me jyë́ tsijin. Xicatuun cahndë́ xi chjaháchuva niji cojo cjuatacun niji. Cuatjin tinújun. ―‍Cuatjin xu cachja Jesús cojo xuta ladu rë me.

Nchunchujun ni tuhun niñu xi xiní.

Tuxcuun matsejen ne, vëhë xi sacuaha ndihi rë yojo naja. Vëhë xi hya xi tuxcuun ndacun matsejen ne, hatuxa ma hasen cahntsua yojo naja. Peru sá xi tuxcuun chocun matsejen ne, hacuaha ma jñu cahntsua yojo naja.

Hane xi quijinduju sa cachja me ne, cuitjin xu cachja me: ―‍Tsajin hisca xi ngu xuta xi ha xcun xi ha cavatju cavetaha rë me ngu ndihi matsejen ne, faha me veyahma me o sá xi faha me veya me ngahma ngu caxa matsejen ta faha me vejña me cahndë́ rë, cojo sa xi yëjë xuta xi visehen me hiscan setí ndihi jan matsejen ne, scuëë me hasen rë.