Popular Bible Verses from San Juan 8

Share

Hya xi camá ne, cachja nga Jesús cojo xutacjín jan cuitjin: ―‍Ngahan ne, sacuaha hasen xi cuma rë xuta ngasunhndë ngahan. Xuta xi cuisehen me ladu naha ne, hatuxa cuiyijin me ngajñi jñú ta ngajñi hasen xi sua cjuahñu xatsë cuiyuju me. ―‍Cuatjin cachja Jesús.

Hacuaha cuijne rcun xi hmí rë cjuaquixi, hane cjuaquixi jan ne, cuëhëndaya nuju. ―‍Cuatjin cachja Jesús.

Ngajan xi Jesús ne, cachja me cuitjin cojo xutaxa rë yungun xi camacjain rë tsëhë cjua rë me: ―‍Sa xi ngayun cuangun nduju xi quitahá rcun cjua naha ne, quixi xi ha camá ngayun xuta ladu naha.

Vëhë xi sa xi Quihndi rë Nina cuëhëndaya nuju ne, cumandaya jain ngayun cojo cjuaquixi.

Hane tsëhë xi cjuinduju sa tivinenguise cha xi cuacun jan Jesús ne, catsinguixi me yojo rë me, sehe cachja me cojo cha cuitjin: ―‍Tu jarë ni ngayun xi tsajin jyë́ nuju ne, ngayun tjun tjun tetuhun rë na ndyojo. ―‍Cuatjin cachja Jesús.

Hane Jesús ne, cuitjin cafayangui me: ―‍Cuichjá cojo nuju cjuaquixi ta yëjë ni xuta xi hincha me ndiya rë cjuatsehen ne, hatuxa tjinhñu me cojo cjuatsehen sacuatjin tjinhñu ngu mosu hndixahan cojo nai rë.

Hane xi catsinguixi me yojo rë me ne, cavinenguise me chjuun jan cuitjin: ―‍Ngayun chjuun, ¿jarë me ne? ¿Há tsajin yo xi casahmi nuju castigu? ―‍Cuatjin cavinenguise Jesús. Ngajan xi chjuun jan ne, cuitjin cafayangui na: ―‍Tsajin yo, tatá. ―‍Cuatjin cafayangui na. Ngajan xi Jesús ne, cuitjin cachja me: ―‍Ngahan ne, hacuaha sahmee nuju castigu. Cuma cuangun, peru ha quihndë xicanihñuu sa cjuatsehen. ―‍Cuatjin cachja Jesús.