Popular Bible Verses from Lucas 9

Share

Tsënö nirirnam llapan nunakunata kënö nirqan: <<Pipis discïpulü këta munarqa kikin munashqannö ama kawatsuntsu, sinöqa waran waran cruzninta apaqnö noqata qatimätsun.

Kawëninta salvëta munaq nunaqa kawëninta oqranqam. Kawëninta noqa rëkur oqraq nunanam kawëninta salvanqa.

Tsënam Jesús nirqan: <<Pipis qepaman rikarëkar yapyaqnö karqa Teyta Diospa mandakïninpaq manam sirwintsu>>.

<<Infiernuman jitëkushqa kananpaq kaptinqa ¿imapaqtaq sirwin jinantin mundupa duëñun kashqanpis?

Pipis noqapita y willakïnïpita penqakuptinqa Nunapa Tsurinpis Teyta Diospa, santu angelkunapa y kikinpa chipapëkaq poderninwan shamurmi pëpita penqakunqa.

Jesúsnam nirqan: <<Atuqkunapaqa machëninkuna kanmi. Pishqukunapapis qeshunkuna kanmi. Nunapa Tsurinpaqa manam ni mëchö punurinanllapaqpis kantsu>>.

Jesús kënö nirqan: <<Pipis kë wamratanö shutïchö chaskirqa noqatam chaskiman. Y noqata chaskimarqa kachamaqnïtapis chaskinmi. Qamkunachöpis mas qollmi shonqu kaqkunam mas mandakuq kayanqa>>.