Popular Bible Verses from Juan 19

Share

Tsë vïnuta llamirirnam Jesús nirqan: <<Llapanpis cumplikärishqam>>. Tsënö nirirnam wanurirqan.

Llapanpis cumplishqana kashqanta musyarmi Teyta Diospa palabran cumplinanpaq Jesús kënö nirqan: <<¡Yakunämi!>>

Mamanta y kuyashqan discïpulun nöpanchö këkaqta rikëkurnam Jesús kënö nirqan: <<Mäma, pënam wawëki kanqa>>. Tsëpitanam kuyashqan discïpuluntapis nirqan: <<Kananqa pënam mamëki cuenta kanqa>>. Tsënö nishqanpita patsam wayinman pushakur mamänintanö rikarqan.

Jesús wanushqana këkaqta rikarnam pëpa chankankunataqa pakiyarqannatsu. Tsëpa rantinmi juk soldädu lanzawan qasqunpa tuksïkurqan. Tuksïkuptinmi yawarwan yaku juklla yarqaramurqan.

Teyta Diospa palabranmi nin: <<Manam ni juk tullunllapis pakishqatsu kanqa>>. Llapan tsëkuna pasarqan Teyta Diospa palabran cumplikänanpaqmi. Tsënöllam Teyta Diospa palabran nin: <<Tuksiyashqantam rikäyanqa>>.

Cruzta katarkatsirmi Calavëra niyashqan sitiuman Jesústa apayarqan. Hebreo idiömachöqa Calavëra niyashqanta Gólgota niyanmi.

Soldädukunanam kashapita corönata awëkur Jesúspa peqanman yakatsiyarqan. Tsënöllam granäti cäpata aqshutsiyarqan.