Popular Bible Verses from Génesis 6

Share

Tsënö kaptinmi nunata kamanqanpita TEYTA DIOS pasëpa llakikurnin kënö nirqan

TEYTA DIOSMI rikarqan nunakuna pasëpa jutsa rurëllachö kawakuyanqanta. Pëkunaqa shonqun munashqannö jutsata rurananllapaqmi yarpäyaq.

Noétaqa Teyta Dios ankuparqam.

Këchömi qellqarëkan Noé imanö kawanqanpis. Nunakuna jutsata rurar kawayaptinpis Noéqa Teyta Diosman markäkurmi pë munanqannö kawakurqan.

<<¿Imapaqraq kë patsachö nunata rurëkurqä? Kananqa llapan nunakunatam ushakätsishaq. Tsënöllam llapan animalkunatapis, lätëpa puriqkunata y päriqkunatapis ushakätsishaq>>.

Kë patsachö nunakuna atskaman mirayaptinmi warmi tsurinkunapis atska kayarqan. Tsëmi Teyta Diospa tsurinkuna rikäyarqan nunakunapa warmi tsurinkuna kuyëllapaq kayanqanta. Tsë warmikunapitam munayanqanta akrayarqan warminkuna kananpaq. Tsëmi TEYTA DIOS nirqan: <<Manam nunakuna wiñëpaqa kawayanqatsu. Pëkunaqa kë patsachö ushakaqllam këkäyan. Tsëmi wiñëpa kawayänanpa rantin juk pachak ishkë chunka (120) watayaqllana kawayanqa>>. Diospa tsurinkunawan nunakunapa warmi tsurinkuna juntakäyashqan witsanmi jatusaq nunakuna kë patsachö kawayarqan. Tsë unë nunakunam alläpa reqishqa y kallpayuq kayarqan.

Tsëmi Noéqa Teyta Dios ninqannölla llapantapis rurarqan.

<<Kë patsachö llapan nunakunatam ushakätsishaq. Pëkunam jutsayuq këkäyan kë patsachö wanutsinakï kananpaq. Tsë rëkurmi kë patsachö kaqkunata chipyëpa ushakätsishaq.

<<Tsëmi atska cuartuyuq jatun arcata weqiyuq qerupita ruranëki. Yaku mana yëkunanpaqmi uchkunkunata jananpa y rurinpa breawan latunki.

Jinantinchöpis nunakuna jutsa rurëllaman yarparäkur kawakuqta rikarmi Noéta Teyta Dios nirqan

Tsënölla arcaman yëkatsinki kë patsachö këkaq tukïläya animalkunata chinan orqutayan, qamkuna salvakuyanqëkinö animalkunapis salvakuyänanpaq.