Popular Bible Verses from Génesis 27

Share

Qam täranqëkiman Teyta Dios tamyëkatsimutsun. Ëllïtapis mana puëdinqëkiyaq murunqëkipis wayïkullätsun. Trïguïkipis vïnïkipis atska këkullätsun. Qamtaqa atska nunakunam sirwiyäshunki. Tsënölla llapan marka nunakunapis puntëkiman qonqurikayämutsun. Castëkikunapis munënikichö kayätsun. Pëkunapis puntëkiman qonqurikayämutsun. Qamta maldisishuqnikiqa maldisishqam kanqa. Bendisishuqnikiqa bendisishqam kanqa>>.

Tsënam Esaú nirqan: <<Tsënö kaptinchi Jacob shutin kananpaq churarqëki. Kananwanqa ishkë kutinam engañaman. Puntatam mayor kë derëchüta qochimashqa. Kanannam noqapaq kaq bendicionta chaskikurkushqa. ¿Manaku wallkallapis noqapaqqa bendición quedashqa, tëtë?>>

Tsëmi Esaúta Isaac nirqan: <<Mikï mana wayunqan chakrachömi y tamya mana kanqanchömi täranki. Espädëkiwan defendikurmi kawanki. Wawqikipa munëninchömi kanki. Tsënö karpis poderyuq tikrarmi makinpita yarqunki>>.

Tsënö niptinnam Esaúqa yapë nirqan: <<Tëtë, noqataqa ¿manaku jukllëllatapis bendicionta qoykamanki? Noqatapis bendicionta qoykallämë>>. Tsënö nirmi qaparir qayarir tëtanta waqaparqan.