Popular Bible Verses from 1 Pedro 5

Share

Teyta Dios yanapëkäyäshuptikiqa llapan llakikïnikikunata pëpa makinman jaqiriyë.

Noqantsik rëkur Jesucristo wanushqa kaptinmi ankupäkuq Teyta Dios qayamarquntsik wiñëpa wiñënin gloriachö kawanantsikpaq. Tsëmi kë patsachö jipashqapis Teyta Dios yanapamäshun jutsannaqna kanantsikpaq, pë munashqannö kawanantsikpaq y alli tsarakuq kanantsikpaq.

Alli yarpënikikunawan mäkuq mäkuq kawakuyë. Chikimaqnintsik diabluqa imëka mallaqashqa leonnömi pitapis jutsaman ishkitsinanpaq qaparikachar purikan. Markäkuq mayintsikkuna mëchö tsëchöpis qamkunanölla jipëkäyanqanta musyëkarqa markäkïnikikunachö alli tsarakur diabluta ama cäsuyëtsu.

Tsënö këkaptinqa poderyuq Teyta Diosta cäsukur mana yachaq tukushpa kawakuyë. Pëmi dispunishqan tiempu chämuptin respetashqa kayänëkipaq churayäshunki.

Jövinkuna, anciänukunata cäsukuyë. Llapëkipis qollmi shonqïkikunawan respetanakuyë. Yachaq tukuqkunataqa Teyta Dios manam yanapantsu. Qollmi shonqu nunakunataqa ankuparmi yanapan.