Popular Bible Verses from ROMANOS 6

Share

Kanaꞌ ji kasiya ꞌñaan chaꞌ ngiꞌnian chaꞌ xaꞌan, sa kanꞌ ti chaꞌ ngiꞌni chaꞌ xaꞌan kanꞌ loꞌoan. Bra nu suꞌwa ndiꞌin chaꞌ ꞌñaan loꞌo Jesús nu nka Xꞌnaan, bra kanꞌ ta Ndiose ska chalyuu ꞌñaan nu ja tsaa tii ꞌa ꞌñaan. Ska chaꞌ tnun nu nda xuꞌwe Ndiose ꞌñaan lka chaꞌ kanꞌ.

Siꞌi chaꞌ xaꞌan nu nsuꞌwi chalyuu ka ndloo la ꞌwan ni. Siꞌi xkwiꞌ chaꞌ kutsen wan tyiꞌin wan lo chalyuu, sa ñaꞌan lka si ndatsaa ꞌa chaꞌ kula kanꞌ ꞌwan; ka tyiꞌin suꞌwe wan lo chalyuu, chaꞌ xkwiꞌ chaꞌ suꞌwe nu tnun ꞌa ngiꞌni Ndiose loꞌo wan.

Loꞌo nu ndyukwatyaan ni, stean niꞌ tyiꞌa sa ñaꞌan lka si suꞌwa mtsianꞌ loꞌo Krixtu niꞌ kwaa, ngwañaꞌan lkaan. Bra kanꞌ nsuan sa ñaꞌan lka si lkaan ayman, chaꞌ ka tyuꞌuan xiyaꞌ sa ñaꞌan lka si tyoꞌoan lo tyiꞌa, ngwañaꞌan lkaan, chaꞌ tnun ꞌa chaꞌ yꞌni Ndiose Sti yu bra nu ndyuꞌu Krixtu xiyaꞌ. Kwiꞌ ngwañaꞌan, kaja xka chalyuu kwi ꞌñaan chabiyaꞌ ꞌin Krixtu.

Ja ta wan ska laꞌa yaꞌ wan, ni ska laꞌa kiyaꞌ wan, chaꞌ kuꞌni wan tñan ꞌin nten nu ngiꞌni chaꞌ xaꞌan; ja ka wan msu ꞌin neꞌ kanꞌ, ja kuꞌni wan chaꞌ kuxi loꞌo neꞌ. Xka ñaꞌan ndiꞌin chaꞌ tyaꞌan chaꞌ tiye wan ni. Ta wan tyukwi ñaꞌaan wan chaꞌ ka wan nten ꞌin Ndiose, sa ñaꞌan lka si ngujwi wan ska yaꞌ, loꞌo kanꞌ ndyuꞌu wan xiyaꞌ. Kanꞌ chaꞌ ni, ndiꞌin chaꞌ ta wan tyukwi ñaꞌan wan chaꞌ kuꞌni wan tñan ꞌin Ndiose, chaꞌ xkwiꞌ chaꞌ suꞌwe kuꞌni wan seꞌen ndiꞌin wan.

Xaꞌan ꞌa nten ngwaan ti sꞌni la; loꞌo ni, lkaan sa ñaꞌan lka si loꞌoan ngujwian lo ska wsi bra nu ngujwi ykwiꞌ Jesús, chaꞌ siyaꞌ ti yꞌni tyii yu nchga chaꞌ xaꞌan nu yuꞌwi niꞌ kasiya ꞌñaan bra kanꞌ. Kanꞌ chaꞌ ni, ja ka ꞌa ꞌin chaꞌ xaꞌan kanꞌ ka ndloo la ꞌñaan xiyaꞌ.

Kwiꞌ ngwañaꞌan ꞌwan, tyaꞌan chaꞌ tiye wan chaꞌ kuꞌni tyii wan siyaꞌ ti ꞌin nchga chaꞌ kuxi nu nsuꞌwi niꞌ kasiya ꞌwan. Xkwiꞌ kuꞌni wan tñan ꞌin Ndiose suꞌwa ti loꞌo Jesucristo nu nka Xꞌnaan, sa ñaꞌan si wa ndyuꞌu wan xiyaꞌ, ngwañaꞌan tyaꞌan chaꞌ tiye wan.

Nde ñaꞌan chkwianꞌ sikwa. Ja suꞌwe si ñaꞌan ti kuꞌnian chaꞌ xaꞌan, chaꞌ bra kanꞌ ti kaꞌan la chaꞌ suꞌwe kuꞌni Ndiose loꞌoan, nka tiyean. ¡Ja suꞌwe siyaꞌ ti kuꞌnian sa ñaꞌan nu yꞌnian sꞌni la! Wa lkaan ni sa ñaꞌan lka si wa ngujwian loꞌo Krixtu, chaꞌ xka tuwiin tsaan ni; ja suꞌwe ꞌa si ñaꞌan ti kuꞌnian chaꞌ xaꞌan kanꞌ.

Bra nu ndaꞌaan tñan ꞌin ska nten ni, ngiꞌnian nchga tñan nu kulo nten kanꞌ ꞌñaan bra kanꞌ; jlyo tianꞌ chaꞌ nten kanꞌ lka xꞌnaan, loꞌo ngwañaꞌan, ndiꞌin chaꞌ tukwaan chaꞌ nu nchkwiꞌ xꞌnaan. Loꞌo kiꞌya nu ndukwian ni, lka ran ñaꞌan tiꞌ xꞌnaan. Bra nu ka ndloo la ran ꞌñaan, ngiꞌni ran chaꞌ ti kuꞌnian chaꞌ kuxi, bra kanꞌ ndiꞌin chaꞌ kajaan siyaꞌ ti. Loꞌo ni, si Ndiose lka xꞌnaan, tukwaan chaꞌ nu nchkwiꞌ Ni bra kanꞌ, ka suꞌwe ka kasiya ꞌñaan bra kanꞌ.

Suꞌwe ꞌa nka tiyeěn chaꞌ tyukwi ti tiye wan ngiꞌni wan tñan ꞌin Ndiose, ti kwiꞌ ti chaꞌ nu ngwaꞌu neꞌ taꞌa ba ꞌwan, naꞌ Palyu ndukwiǐn chaꞌ re. Chaꞌ xaꞌan kanꞌ, kanꞌ nu ngwa ndloo la ꞌwan nu ngwa sꞌni; loꞌo wa ngulaa wan ꞌin chaꞌ xaꞌan kanꞌ ni, kanꞌ mdyisnan wan ngiꞌni wan tñan chaꞌ kaja xka chalyuu ꞌwan, ska chalyuu nu ka luwi kasiya ꞌwan, chaꞌ Ndiose nka ndloo la ꞌwan ni.