Popular Bible Verses from San Lucas 17

Share

Orzeꞌ nam rab mi mbecy zeꞌ: ―Wes su, nunu yaa. Ru bi byac ru par nu bicy cup ru consuel lo̱ ―nam.

Mas tub gagy tir gyicy yu coz nu walab seꞌñ nuy ru nañ tub dzi, nunu benu tub ga gaꞌ tir cyid yu lor nunu niiy nu wayicyaꞌy de coz nu bicy nuy der zeꞌ, orzeꞌ gyicy sulagy der niy ―nam.

Orzeꞌ tub yu nu gurat zeꞌ, ornu gud lagy yu nu byac yu, orzeꞌ bish cyay gua gaꞌy lo Jesuuz. Orzeꞌ ye la rniiy nu ryabic yu gyel mbecy ni Ñgyoozh. Orzeꞌ gugyit tiily yu gal lo yu la yeñ gyiꞌ Jesuuz nu rbic yu gras nim. Yu zeꞌ nac yu mbecy Samaria.

¡Orzeꞌ bicy cuidad der! ’Benu tub losaꞌr ricy yu cyi, orzeꞌ shuu nur yu. Tees benu neꞌy de cyi nu ricy yu, gyicy sulagy ru niy.

Orzeꞌ Jesuuz nam: ―¿Walab gaal walab tii mbecy byac yu? ¿Ca za se gaa de mbecy zeꞌ?

Orzeꞌ Shuaan na Jesuuz nam: ―Benu de ru ricy cup der consuel lo̱ mas ñuu miꞌ, gal nu na mbigy urnishtas, orzeꞌ gac nii der lo yag ily ii nu gruu lyuñ nu chañ gal lo nisyudoo. Orzeꞌ zeꞌ gzub ñi, gnii der. Orzeꞌ yag ii gyicy ñi gal nu de ru niir ―nam―.

Gun yu nu rlagy co nap ub, yu zeꞌ gnit loy. Tees yu nu shet ic nu gat, yu zeꞌ gruu nap yu.

Orzeꞌ Jesuuz nam rab mi de yu nu rsyaꞌ lom: ―Dub laa tiem yuꞌ coz a̱ꞌ nap nu ricy ñi nu ricy mbecy cyi. ¡Tees cuaa mbecy nu ricy yu nu gyicy de losaꞌy cyi! Nap zir benu cyiig dey tub gyitaꞌ gyech yeñ yu. Orzeꞌ shet lag dey yu lo nisyudoo. Nap zir ndeꞌ gazeꞌ nu gyicy yu nu gyicy tub yu shni cyi.

Gal nu guc tiem ni Noé, orzeꞌ niꞌ ziꞌl mod gac ornu ya̱, biñ nu byac mbecy, yapa̱ tuubaꞌ tir. Tiem zeꞌ de mbecy nu bdow ziꞌl dey, nunu goꞌy, nunu pchelaa dey. Ni bicy dey gashtal ornu pshuub dzi nu guꞌ Noé nañ barc. Na ornu bruꞌña gyey, orzeꞌ dela dey gut yu.