Popular Bible Verses from San Juan 4

Share

Gun Ñgyoozh nac mi Espiriit, nunu de yu nu griib zily mi rlagy ñi nu gyicy dey ñi tub mod nu rishli, tub mod nu rlagy Espiriit Yon nim ―nam.

Tees shuub dzi, nunu na la ndeꞌ ornu de mbecy nu rishli gaal griib zily Ñgyoozh uz na gyicy dey ñi tub mod nu rishli, mod nu rlagy Espiriit Yon ni Ñgyoozh, gun ndeꞌ mod nu rlagy Ñgyoozh uz na. Ndeꞌ mod nu rlagy mi nu gyicy de yu nu griib zily mi.

Zeꞌ de mbecy nu goꞌ nis nu ya̱ grica̱, de mbecy zeꞌ rila wabigyaꞌ dey nis. Gun nis nu ya̱ grica̱, ndeꞌ gyicy ñi nu gyac nañ lardoo dey gal na tub zeꞌ nu driib nis. Nis zeꞌ gyicy ñi nu cui mbañ dey tub la ―nam.

Orzeꞌ na gaꞌ Jesuuz rab mi biñ mñaa zeꞌ: ―Bi bicy na nu ru gad lagy ru la na coz nu rbic Ñgyoozh, nunu bicy na nu gad lagy ru cyu nac ya̱, nu rdiña̱ nis do̱ꞌ lor, orzeꞌ ru cyiñ ru nis lo̱ ya̱ goꞌr. Orzeꞌ ya̱ rica̱ nis nu rbic gyel mbañ nu rishli nu goꞌr.

Orzeꞌ na gaꞌ Jesuuz rab mi dey: ―Ornu gyicya̱ coz nu rlagy Ñgyoozh, biñ nu bzuu nez ya̱, nunu ornu gzaꞌ lo̱ riiñ nim, orzeꞌ ndeꞌ nañ gal na de coz nu da̱w.

Orzeꞌ biñ mñaa Samaria zeꞌ nam rab mi Jesuuz: ―Zeꞌ ru, ni a̱ꞌ nur la nu par nu cor nis, gun zo ii gyi ri nis nañ ñi. Zeꞌ ru, ¿ca cor nis nu cuic gyel mbañ zeꞌ ne̱?

Orzeꞌ na biñ mñaa zeꞌ rab mi Jesuuz: ―Rad lagya̱ nu cyid Mesías, biñ nu pcui Ñgyoozh nu co mbañ mi den. Laab mi zeꞌ lam Crisht. Ornu mi zeꞌ cyid mi, orzeꞌ shaal mi dela coz lo̱ de̱ ―nam. Orzeꞌ na gaꞌ Jesuuz: ―Mi zeꞌ nac ya̱, biñ nu rnii nu ru na la ―nam.

―Da der gun cha güiir tub biñ gyeey nu mniim dela coz nu bicya̱. ¿Ben a chii la a walab mi zeꞌ Mesías? ―na biñ mñaa zeꞌ.