Popular Bible Verses from Efesios 5

Share

De ru rlagy ñi gyicy der gal nu ricy Ñgyoozh como nac der iꞌñ mi nu dzi rcam. Bicy der gal nu ricy mbecy nu dzi rca losaꞌ gal nu bicy Crisht num de ub na. Gun Crisht rcam de ub na nunu pshet ic mi nu guc mi gun nu nac den. Orzeꞌ coz nu bicy mi, ndeꞌ nañ gal nu na tub coz zguul par lo Ñgyoozh.

Orzeꞌ ndeꞌ nu bzu der cuidad lac mod chesar. Cueꞌ gyicy der gal nu ricy mbecy ton nu wagad lagy, sinu bicy der gal nu ricy mbecy nu yuꞌ shcab ni. Orzeꞌ cueꞌ zaan der nu nit lo tiem, sinu ornu gad mod bicy der riiñ ni Crisht, gun tiem nu yuꞌn na, nii tub tiem nu tonaꞌ la shiñ ricy mbecy.

Cueꞌ gzugy der, gun ndeꞌ gyicy ñi nu gnu der. Lugaar nu gyicy der ndeꞌ, orzeꞌ nap zir pshet ic der nu gyub ic zaꞌ la Espiriit Yon ni Ñgyoozh nañ lardoor. Ornu nii nu der de losaꞌr, orzeꞌ zat der de riidz nim, gal nu de cant nim, nunu gul der de riidz nu druu lo Espiriit Yon nim. Orzeꞌ biil der, nunu byabic der gyel mbecy ni Shuaan den Jesuuz nu dutuub la lardoor. Dub laa tiem briic der gras ni Ñgyoozh Uz den nu nac dela coz, gun nac naa mbecy ni Shuaan den Jesucrisht.

Cueꞌ gac der mbecy ton. Sinu byub der mod nu gad lagy ru ca na de coz nu rlagy Shuaan den Jesuuz.

Na de ru yu gyeey, pca der mñaar gal nu Crisht pcam de mbecy nim, nunu pshet ic mi nu gut mi nu nac dey.

De ru gulas na der gal nu na mbecy nu yuꞌ zeꞌ nu cow. Tees na na der gal nu na mbecy nu yuꞌ zeꞌ nu yuꞌ yaa par nu nac nu nac nu der Shuaan den Jesuuz. Orzeꞌ bicy der gal mod nu yad ñi nu gyicy mbecy nu yuꞌ zeꞌ nu yuꞌ yaa.

“O” mnii der ni losaꞌr nu nac nu rca lagy der lo Crisht.

De ru biñ mñaa rlagy ñi nu “O” nii der ni ñgyeer gal nu ricy der nu Shuaan den Jesuuz.

Mas lac ruꞌ, tees tub ga la der rlagy ñi nu ca der mñaar gal nu rcar ub ru. Nunu de ru biñ mñaa rlagy ñi nu ca lagy der lo ñgyeer.

“Ndeꞌ nu de yu gyeey zeeñ yu uz yu nunu zeeñ yu ñaay par nu gyatublaazh yu nu mñaay. Orzeꞌ lo rup laa dey yac yu se tub zi mbecy.”

Rila cueꞌ gash der mod ni de coz wacyiiñ nu gyicy der gal nu ricy de mbecy nu yuꞌ zeꞌ nu cow. Nap zir nu gyicy der nu gruu zac de coz zeꞌ zeꞌ nu yuꞌ yaa, gun orzeꞌ gabe nu de ndeꞌ walab coz nap.