Popular Bible Verses from 1 San Juan 3

Share

De ru yu feñ ne̱, cueꞌ nu niin nu caan losaꞌn nu ruꞌ ziꞌl na, sinu gyicy na tub mod par nu gabe nu rishli rcaan losaꞌn.

Bi rad lagy den lac na mod nu caan losaꞌn, gun Jesucrisht pshet ic mi gut mi nu nac de ub na. Orzeꞌ niꞌ ziꞌl mod, de ub na rlagy ñi nu shet ic na mas gat na nu nac losaꞌn.

Mnii ñuu too der nu tonaꞌ la rca Ñgyoozh Uz na de ub na. Par nu tonaꞌ la rcam de ub na, ndeꞌ nu rniim nu nac naa iꞌñ mi, rniim. Nunu rishli gaal nac naa iꞌñ mi. Ndeꞌ nu de mbecy nu yuꞌ gyishlombecy ii wagad lagy dey cyu nac naa, como niꞌ ziꞌl wangad lagy dey cyu Ñgyoozh.

Tees de mbecy nu zaab ricy la cyi, de yu zeꞌ nac yu mbecy ni nuras. Gun nuras ricy yu cyi nese nu bzub la gyiꞌ gyishlombecy. Gun par nu nac ndeꞌ ziꞌl biid Jesuuz, Iꞌñ Ñgyoozh, par nu nit lom dela coz nu ricy nuras.

Ni tub la mbecy nu nac iꞌñ Ñgyoozh walab nu zaab ricy lay cyi, gun Ñgyoozh rcyiiñ mi nañ lardoo dey. Nunu wagyicy dey cyi, gun nac dey iꞌñ mi.

Zeꞌ benu tub mbecy yuꞌ la coz niy, zeꞌ zac yu tub losaꞌy nu ricy falt ñi niy, zeꞌ wabic yu niy, orzeꞌ mbecy, yu nu wabic zeꞌ, wacay losaꞌy nañ lardooy gal mod nu rlagy Ñgyoozh.

De mbecy nu rzuub gyidag ni de riidz nim, de yu zeꞌ rcyiiñ nu dey mi, nunu mi zeꞌ rcyiiñ num dey. Nunu nu nac de ndeꞌ, rad lagy den nu mi zeꞌ rcyiiñ num de ub na. Rad lagy den par nu nac Espiriit Yon nim, biñ nu briic mi ni den.

Bi rabee ca na mbecy nu nac yu iꞌñ Ñgyoozh, nunu bi rabee gaꞌ ca na mbecy nu nac iꞌñ nuras, gun cyu ziꞌl mbecy nu wagyicy coz nap o nu wacay de bicy yu, yu zeꞌ a̱ꞌ nac yu ni Ñgyoozh.

Nii de riidz nu bi güeñ der nese nu loga la: Nu rlagy ñi nu ca tub ca tub ziꞌl den losaꞌn.

Der bicy na, cueꞌ cha nu ic der benu de mbecy ni gyishlombecy rzi lagy yu lo der.