Popular Bible Verses from San Marcos 5

Share

Yalni Comam tet ix: —Miyay, macachcawxinacan̈ yu maxawaco hawanma win̈an, paxan̈to yin̈ tzalahilal, cawachxa tinan̈, ẍi Comam.

Xol anma tuꞌ ayco huneꞌ ix cablahon̈ebxa habil yichico yay istxꞌahwobal, matxaticꞌa chilin̈i. Caw txꞌiꞌalxa ebnaj doctor bay xaecꞌ ix, caw xaistan̈tzelo ix sunil tzet aya yu yan̈chahi, yajaꞌ maẍticꞌa chian̈cha ix; wal xin caw ip yahcan̈ huneꞌ yabil tuꞌ yin̈ ix.

Lan̈antoticꞌa istzabni ix xil iskꞌap Comam, islin̈inacan̈ yin̈ ix, iscawxinalo ix.

Yoc tzabno Comam yin̈ iskꞌab ix, yalni Comam tet ix: —Talita cumi, ẍi Comam. Haꞌ chal yelapno tuꞌ: “Hach nichꞌan tzꞌul, haninan chiwalan tawet, ahan̈wanoj.”

Lan̈antoticꞌa xin, yapni huntekꞌan ebnaj ispeto bey yatut naj Jairo, ismam ix nichꞌan yaꞌay tuꞌ, yalni ebnaj tet naj: —Mam Jairo, wal ix hacutzꞌin macamna ix, nabxan̈e chawito naj cuywawom tiꞌ tawintaj, ẍi ebnaj. Hayet yaben Comam yin̈ tzet yal ebnaj tuꞌ, yalni Comam tet naj Jairo: —Mach chawaco yin̈ hacꞌul, wal xin aco hawanma yin̈ Comam Dios, ẍi Comam.

Yalni Comam: —¡Hach matzwalil, elan̈ yin̈ naj tiꞌ! ẍi Comam. Yah yaw naj yin̈ caw ip: —¿Tzet hawoc win̈an Jesús, Iscꞌahol Dios caw aycano yip? Caw chinkꞌanan tawet, mach chawakꞌ ecꞌoyaꞌ wanmahan, ẍi naj. Iskꞌamben Comam tet naj: —¿Tzet habi? ẍi Comam. Istakꞌwi naj: —Legión inbihan yuto caw niman jikꞌni cobahan̈, ẍi naj.