Popular Bible Verses from Salmos 51

Share

Yuusru, wina enentair pegker amajtursata. Nutikakum pegker takastasa enentaimta nu surusta.

Wika nekas uwemrauwapitja tusa shir enentaimta nu awaigkim ataksha surusta. Tura amina Wakanim wait anenkartina nujai kuitamrukta.

Yuusru, aminiyagka ajapruawaipa. Tura Wakan Pegker surusuitam nusha jurutkipa.

Yuusa, ameka shuar wika tunauwapitja tusa, wake mesemar enentaimuk waita nu shir anentame. Tura shuar wika tunauwapitja tusa tunaur tsagkurturta, tusa turama nuka yaitskeka inaichauwaitme.

Yuusru, amina anegkrattairmijai, winasha wait anentrurta, tura ame wait anenkartutairmijaig, wii tunaun takasu akaisha tsagkurturta. Wina tunauruka tuke nijattrusmeke atá, tura tunaur japirturam pegker amajtusta.

Tura wii tunau takasmau tsagkurturta, turam pegker amajtusta, Turutawakminka yuragkim pujua nuna nagkasau atatjai.

Ame nakitamun amina emtimin tunaun takarsauwaitjame. Tura nekas tunaun takasu asamtai waittaka surustatme. Ame turutam nuka nekasaiti tajai. Wika pegkeraitjai tusanka tumammaitsujai.