Popular Bible Verses from San Mateo 28

Share

Juaꞌan koio te kada‑n xa na kukanu ini ñaꞌa ñayiu ntdantuꞌu ñuu ñuñayiu ruꞌu. Dajuendute koio‑n ñayiu kukanu ini koio Taa‑ro Ianyuux, Daꞌya Yɨɨ‑ia xiꞌin Espíritu‑ia. Juñaꞌa koio‑n nuu‑i xa na jandixa koio‑i ntdaa xa n‑taꞌu tniu‑r. Jun ini koio‑n xa kunduu‑ro ndɨkɨu ndɨñuu, te dani kunduu naꞌi‑ro nde kɨu na naa ñuñayiu —kuu‑ia, n‑jaꞌan‑ia nuu‑da ntdaa‑da.

N‑xetuꞌa ñaꞌa Jesús te n‑jaꞌan‑ia nuu‑da: —N‑kida Ianyuux xa taxnuni‑r andɨu xiꞌin ñuñayiu ná taxnuni mee‑ia.

N‑jaꞌan ángel, ia xinokuechi nuu Ianyuux, nuu ñá xnii ijan: —Maxku yuꞌu koio‑n. Xa naꞌa‑r xa Jesús, Ia n‑xitakaa dika ka nanduku‑n. Ñayo ka‑ia. ¿Ñatu xnaꞌa‑n xa n‑jaꞌan‑ia xa nandoto‑ia u? Juan ndeꞌa nuu n‑kaa niꞌni‑ia.

Xiaꞌan‑ia nuu‑ña: —Maxku yuꞌu koio‑n. Juan juñaꞌa‑n ñayiu n‑dakuaꞌa‑r xa na nuꞌu koio‑i Galilea. Te ijan nanitnaꞌa‑r xiꞌin‑i.

N‑ka kida ɨnuu dutu jan xiꞌin sexaꞌnu ka taxnuni nuu ñayiu Israel xa juñaꞌa koio‑s kueꞌe tvini soldado jan. Ka xiaꞌan‑s nuu soldado jan: —Jaꞌan koio‑n nuu ñayiu xa nɨni ka kidi‑n n‑ka xeꞌen se n‑dakuaꞌa ñaꞌa Jesús xakuaa ijan, te n‑ka duꞌu‑s yɨkɨ kuñu‑s. Te nux na teku gobernador, juñaꞌa koio‑r nuu‑s xa maxku ñaꞌa kada ñaꞌa‑s te jandixa‑s xa jaꞌan koio‑r nuu‑s —kuu‑s, ka xiaꞌan‑s nuu soldado jan. N‑ka tnɨɨ‑s tvini te n‑ka kida‑s na n‑ka taꞌu tniu‑s nuu‑s. Te nituꞌu nación Israel n‑ka teku ñayiu xijan. Nde vitna duꞌa ka najani ñayiu.